16.08.2019 / 18:01

У Літве рыхтуюцца да адкрыцця БелАЭС: урад абяцае вылучыць 900 тысяч еўра на ёд у таблетках 4

Рыхтуючыся да адкрыцця Астравецкай АЭС у Беларусі, літоўскі ўрад абяцае ў найбліжэйшы час прыняць рашэнне аб тым, як фінансаваць куплю ёду ў таблетках, піша Delfi.

Фота Надзеі Бужан.

Ёд у таблетках выкарыстоўваецца ў выпадку ядзернай аварыі для абароны арганізма ад уздзеяння радыяцыі.

«Міністэрства аховы здароўя ў рамках сваёй кампетэнцыі прыклала ўсе намаганні для забеспячэння жыхароў Літвы ёдам ў таблетках — пошуку пастаўшчыкоў, узгаднення тэрмінаў пастаўкі, колькасці, канкрэтнай упакоўкі і гэтак далей. Урад вызначыцца з крыніцай фінансавання ў найбліжэйшы час і зможа працягнуць працэс закупак», — паведаміла BNS урадавая канцылярыя.

Паводле Міністэрства аховы здароўя Літвы, з пастаўшчыком была дасягнутая дамоўленасць аб тым, што неабходная колькасць ёду ў таблетках можа быць дастаўлена ў Літву на працягу аднаго месяца. Таблеткі планавалася распаўсюдзіць сярод насельніцтва да пачатку працы электрастанцыі гэтай восенню.

Раней было абвешчана, што будзе закуплена больш за 4 мільёны доз ёду ў таблетках, першапачаткова для распаўсюджвання сярод тых, хто знаходзіцца бліжэй да электрастанцыі на мяжы краіны. На гэта плануецца вылучыць каля 900 тысяч еўра.

NN.by

3
Соловьиный свист / Адказаць
17.08.2019 / 10:16
Русские люди молодцы, умеют мыслить стратегически, построили прямо под Вильнюсом атомный реактор с могильником для ядерных отходов, чтобы травить радиацией все литовское Правительство. Какой мощный рычаг политического давления. Может хоть русофобией перестанут заниматься.
1
Жвір / Адказаць
17.08.2019 / 12:29
Ёд у таблетках выкарыстоўваецца ў выпадку ядзернай аварыі для абароны арганізма ад уздзеяння радыяцыі.
https://nn.by/?c=ar&i=235667
Slabaje suciašeņnie. U mianie vieļmi drennyja pradčuvaņni. Z momantu ūvodu abjekta ū ekspliuatacyju nichto ū Baltyi nia budzie ū biaspiecy. Blin, karoūnik nia mohuc` pabudavac`, dy zabiaspiečyc` niejki varty technaliahičny praces u im, niečuvany padziež svojskaj žyvioly,.. a tut AES... 
1
Юзік Крулеўскі / Адказаць
17.08.2019 / 12:38
Соловьиный свист,

А ў вас, у Расеі, доктарскую каўбасу робяць з туалентнай паперы! Учора паказвалі па РэнТВ. Ды й мышы часам трапляюць у тую калбасу.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру