Ювелірную краму «Яхант» ў Мінску рабавалі ўжо чатыры разы. Што вядома пра папярэднія напады
У суботу, 17 жніўня, быў учынены чацвёрты па ліку напад на ювелірную краму «Яхант».
Распылілі газ, звязалі рукі: дзёрзкі налёт на ювелірную краму ў цэнтры Мінска
Што вядома пра папярэднія рабаванні? Пра гэта паведамляе агенцтва «Мінск-Навіны».
— Першая спроба рабавання была яшчэ ў 70-я гады мінулага стагоддзя, але тады злачынцы не змаглі давесці свой намер да канца, — узгадвае ветэран мінскай міліцыі Віктар Пякарскі. — У сярэдзіне 80-х «Яхант» усё ж такі абрабавалі, прычым сярод белага дня, але злачынцаў аператыўна затрымалі па прыкметах, якія добра запомнілі прадаўцы крамы.
Прыблізна па такім жа сцэнары развіваліся падзеі і ў канцы 90-х: працоўны дзень быў у самым разгары, калі ў ювелірную краму зайшлі два мужчыны ў чорных масках і са зброяй у руках.
— У краме «Яхант» спрацавала трывожная сігналізацыя, і я неадкладна накіраваў туды групу затрымання, — распавядае Юрый Мяцельскі, які ў тыя гады быў аператыўным дзяжурным АДС Цэнтральнага РАУС і кіраваў усімі міліцэйскімі нарадамі ў раёне. — Аднак рабаўнікі спрацавалі настолькі хутка і зладжана, што па гарачых слядах іх затрымаць не ўдалося. Вуліца Кісялёва ў той час была ціхай і нешматлюднай, і злачынцы гэтым скарысталіся.
Памятаю, сума шкоды тады была вельмі вялікая.
Рабаўнікоў знайшлі ў Падмаскоўі толькі праз некалькі гадоў. Імі былі двое раней судзімых расейцаў. За злачынства яны адказалі перад судом.
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары