18.08.2019 / 21:02

Давыдзька: Мы не хочам змагацца за ўладу, мы пры ўладзе 22

Старшыня «Белай Русі» Генадзь Давыдзька не лічыць, што яго грамадскаму аб'яднанню трэба станавіцца партыяй. Пра гэта ён заявіў у інтэрв'ю праграме «Тыдзень» тэлеканала СТБ.

«Я не думаю, што сёння трэба нам станавіцца партыяй. Рэч у тым, што «Белая Русь» рэалізуе сваю палітыку, сваю праграму ў фармаце грамадскага аб'яднання вельмі і вельмі паспяхова.

Мы не хочам змагацца за ўладу, мы пры ўладзе», — заявіў Давыдзька.

«Як толькі мы станем партыяй, мы станем проста партыяй, якой будзе трэба змагацца за ўладу. Можа быць, у будучыні, але не сёння», — дадаў ён.

Давыдзька расказаў, што лічыць сябе не палітыкам, а грамадскім дзеячам.

— А якія палітычныя амбіцыі Генадзя Давыдзькі?

— Я не лічу сябе палітыкам, я лічу сябе грамадскім дзеячам.

— А сенатар не палітык?

— Сенатар? Не. Я не лічу гэтую працу палітычнай. Я працую ў камісіі па рэгіянальнай палітыцы і мясцовым самакіраванні. Рэгіянальная палітыка — калі можна называць гэта палітыкай — гэта што? Гэта, зноў жа, рэвізія мясцовых заканадаўстваў і спроба з недасканаласцю гэтых механізмаў, калі яны дзесьці ёсць, змагацца. Можна назваць гэта палітыкай, але насамрэч гэта жыццё. Жыццё, якое трэба рабіць лепшым.

NN.by

0
Лявон Баршчэўскі / Адказаць
18.08.2019 / 21:07
каб так "не займацца палітыкай", трэба было абавязкова агучыць "Жалезам па шкле". Парода "Чего изволите-с", наогул, нязводная.
0
Генэрал Голад / Адказаць
18.08.2019 / 21:09
Нехта блытае паняцьце "ўлада" з паняцьцем "карыта".
0
меркаванне / Адказаць
18.08.2019 / 21:18
Ума палата ў "сенатара"- "паліцік-не паліцік, паліцічэская работа". Загадаюць заўтра, будзе змагацца ў целеку так, што толькі шуба будзе заварочвацца.
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру