19.08.2019 / 12:10

«Павінна быць пажыццёвае»: у Стоўбцах пачаўся суд па двайным забойстве ў школе 12

Родныя загінулай падчас лютаўскіх падзей настаўніцы патрабуюць больш жорсткага пакараньня для абвінавачанага, чым гэта прадугледжвае Крымінальны кодэкс, піша Радыё Свабода.

Суд па справе аб двайным забойстве ў стаўпецкай школе пачаўся ў судзе стаўпецкага раёна аб 11 гадзіне. Прыкладна за гадзіну да яго пачатку ля будынку пачалі зьбірацца дзяржаўныя і незалежныя журналісты. Абвінавачанага прывезьлі ў будынак суду загадзя, самым ранкам. Судзьдзя менскага абласнога суду разам з сакратаром прыехаў прыкладна за 40 хвілін да пачатку працэсу.

«Сёньня пачынаюць яго судзіць? Думаю, гэта ўсё настаўнікі вінаватыя. Такая бяда», — так абмяркоўвалі пачатак працэсу наведнікі стаўпецкага суда ў фае будынка.

Пацярпелымі на працэсе пакуль прызнаныя толькі два чалавекі — муж загінулай настаўніцы Вячаслаў Пархімовіч і бацька забітага 11-клясьніка Аляксандра Раманава Сяргей. Яны прыйшлі на суд амаль адначасова, за 20 хвілін да пачатку працэсу.

«Больш за 10 гадоў яму не дадуць»

«Я нічога ад суда не чакаю, — сказаў муж загінулай настаўніцы Вячаслаў Пархімовіч. — Нічога яму не будзе. Тое што ён нарабіў, і пакараньне — яно неадэкватнае. Артыкулы абвінавачваньня нармальныя, але яму не могуць прысудзіць больш за 10 гадоў. Павінна быць пажыцьцёвае зьняволеньне. Ужо вядома, што 8-10 гадоў, больш яму не дадуць».

(Па законе, падлетку могуць прызначыць пакаранне да 15 год зняволення, улічваючы, што абвінавачваюць яго адразу ў некалькіх асабліва цяжкіх злачынствах, забойства і замах на забойства — «НН»)

Разам з ім на працэс прыйшлі сястра Марыны Пархімовіч Алена і яе сын Антон. Яны падалі хадайніцтва аб прызнаньні пацярпелымі. Калі судзьдзя яго задаволіць, то ім таксама дазволяць прысутнічаць на паседжаньнях.

«Пра сапраўдныя матывы мы не ведаем нічога, — сказаў сын загінулай настаўніцы Антон Пархімовіч. — Спадзяюся, нам пра іх у судзе раскажуць. А магчыма, што і не даведаемся ніколі. Напачатку нам сказалі, што мы не зможам прысутнічаць на судзе, толькі мой бацька. Сёньня мы прыйшлі з хадайніцтвам. Сёньня яго будуць разглядаць. Магчыма, нам дазволяць».

На думку родных загінулай, самыя вялікія пытаньні выклікае закрытасьць працэсу. Афіцыйна яе тлумачаць тым, што абвінавачанаму на момант зьдзяйсьненьня злачынства не было 18 гадоў. А таксама што падчас працэсу будуць разгалошаныя зьвесткі аб стане яго здароўя. Ніхто з пацярпелых зрабіць суд закрытым не прасіў. Наадварот.

«Чаму суд закрыты, — кажа сястра загінулай настаўніцы Алена. — У маёй маці пастаянна пытаньне, чаму нікога не пускаюць. Значыць, хаваюць нешта? Я не магу ёй патлумачыць, чаму суд закрыты».

(Па законе, разбіральніцтва ў закрытым судовым пасяджэнні дапускаецца па справах аб злачынствах, учыненых асобамі, якія не дасягнулі 16-гадовага ўзросту — «НН»)

«Ходзяць чуткі, што яго травілі ў школе»

Сына загінулай настаўніцы абурае найперш тое, што абвінавачаны ў выпадку прызнаньня яго вінаватым зможа выйсьці на свабоду праз адносна невялікі тэрмін.

«Такое адчуваньне, што ён мэтанакіравана ішоў забіваць людзей, — кажа сын загінулай настаўніцы. — Для яго гэта было як забава. Як кветкі на клюмбе рэзаць. Ён жа не едучы на аўтамабілі забіў, не выпадкова. Пасьля суду, калі нам нешта скажуць пра яго рэальныя матывы, я ўсё раскажу. Факт, што праз восем гадоў гэты чалавек будзе хадзіць па вуліцах. Ходзяць чуткі, што яго травілі ў школе. Праз восем гадоў вы ў чарзе недзе яму на нагу наступіце, а ён за кутом вас дагоніць і вы «ляжаце». Думаеце, восем гадоў яго выправяць?».

«Я нічога ад працэсу не чакаю»

Акрамя родных Марыны Пархімовіч, на працэс таксама прыйшоў бацька загінулага 11-клясьніка Аляксандра Раманава і бацькі абвінавачанага. Нейкі час яны чакалі пачатку працэсу побач з пацярпелымі, размаўляць з журналістамі не сталі.

«Я нічога ад працэсу не чакаю. І так усё зразумела, — сказаў Свабодзе бацька загінулага 11-клясьніка. — Ці буду задаволены працэсам, пакуль не магу сказаць. Я ж не ведаю, чым ён скончыцца. Зьбіраюся хадзіць на ўсе паседжаньні. Колькі дадуць абвінавачанаму, мне ўсё адно. Пакараньне будзе неадпаведным таму, што ён нарабіў».

Колькі працягнецца разгляд справы, пакуль невядома. На працэс у якасьці сьведак будуць выклікаць настаўнікаў і вучняў школы, дзе здарылася трагедыя. А таксама іншых асобаў, якіх апытвалі супрацоўнікі Сьледчага камітэту падчас сьледзтва.

27
Свободный / Адказаць
19.08.2019 / 12:58
Да ладно как вариант его травили. Ну не может быть просто при всем при всем убитый мальчик был очень успешен собственно этакий альфа был в группе шестерок которые травили в силу детства и сам мог потравливать думая что ничего такого нет, учитель могла просто закрывать глаза ну и где то промолчать думая мальчики сами разберутся. Но все же ну не бывает что то просто и не русский мир тут виноват тема травли в школах актуальна ой как посмотрите сколько фильмов в инете на этому тему!!! Реально никого не защищаю но если были слухи о травле то вполне все ясно.
15
Банах Лотар / Адказаць
19.08.2019 / 14:45
Вспоминаю свое школьное детство и думаю, что суд проводится закрытым по единственной причине: школа и ученики этого парня дико травили и он предпочел насилие. Не бывает на ровном месте вспышки насилия. Как говорят в милиции: должен быть мотив. То есть толчок для запуска цепной реакции. И то, что один из померших - змагарский сын - ничего не значит, индульгенцию на совершение грехов барацьбиты не получают. Видимо также был причастен к издевательствам над парнем, которого сейчас судят.
3
Эхо / Адказаць
19.08.2019 / 14:48
Закрытость ТАКОГО процесса о многом говорит. И это - беда.
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру