19.08.2019 / 17:47

Мова наша. Даход ці прыбытак? Кошт ці цана?  11

У фэйсбуку, у адной з моўных суполак, адзін з карыстальнікаў падняў пытанне: ці ёсць розніца паміж паняткамі «даход» і «прыбытак»? Многія на гэта параілі не замарочвацца: маўляў, розніцы няма, хопіць проста прыбытку. Але людзі эканамічна адукаваныя тут жа запярэчылі: гэта ж абсалютна розныя паняцці, нельга ніяк іх атаясамліваць! 

Сапраўды, давайце разбяромся на прыкладзе. 

Прадпрымальны чалавек Антось купіў у суседкі на вёсцы 10 кілаграм (па 1 рублі) памідораў — памідоры грунтовыя, спелыя, духмяныя. Павёз іх на Камароўку, расхапалі памідоры за 3 рублі за кілаграм.

Лічым: даход ад продажу кемлівага Антося — 30 рублёў (3 руб.×10 кг = 30 руб). А які ж прыбытак (разлічваем яго па формуле: даход мінус выдаткі)? 30 рублёў мінус дарога ў Мінск у два бакі (6 рублёў), 10 рублёў аддаў суседцы — выходзіць 14 рублёў.

Давайце цяпер яшчэ заадно з цаной і з коштам разбяромся — гэта таксама эканамічна розныя паняцці, і мова ў гэтым дапамагае разабрацца. 

Што ж такое кошт? Гэта тое, у што абышоўся тавар прадаўцу: сабекошт аднаго кілаграма памідораў для Антося — 1,6 рубля (1 кілаграм памідораў + 60 капеек за дарогу на кожны кілаграм). Цана — гэта тое, па чым тавар прадаецца, у што абышоўся кілаграм памідораў купцу — 3 рублі. Розніца паміж сабекоштам і цаной — навар Антося, прыбытак (3 — 1,6 = 1,4; 1,4 * 10 кг = 14 руб.).

Кошт + прыбытак = цана (price, prix, ціна, цена). 

Цана * колькасць тавару = даход. 

Не блытайце! 

NN.by

0
Скураныя крылы / Ответить
19.08.2019 / 18:44
Цана- сабекошт=страты. Ёсць і такая формула.

0
Казік / Ответить
19.08.2019 / 19:32
дзякуй!
0
Axel Justas / Ответить
19.08.2019 / 20:21
Скураныя крылы, ну гэта ў лукашэнкаўскай эканоміке так. Яна, як вядома, за цывілізаваным светам не ідзе :-)
Показать все комментарии/ 11 /
Чтобы оставить комментарий, пожалуйста, активируйте JavaScript в настройках своего браузера