19.08.2019 / 18:29

Жанчына з'ехала ў кювет, каб не сутыкнуцца з некіруемым грузавіком 1

У Ляхавіцкім раёне жанчына-кіроўца пацярпела, унікаючы сутыкнення з грузавіком, паведамляе міліцыя.

Аварыя здарылася 17 жніўня каля 13.20 на 3-м кіламетры аўтадарогі Ляхавічы — Свяціца. Насустрач адзін аднаму рухаліся гружаны саломай МАЗ з прычэпам, якім кіраваў 64-гадовы жыхар Баранавіцкага раёна, і аўтамабіль «Кіа», якім кіравала 31-гадовая жыхарка Ляхавіч.

У грузавіка з задняга правага кола прычэпа выскачыла стопарнае кальцо — ён выехаў на паласу сустрэчнага руху. Кіроўца «Кіа», унікаючы сутыкнення, з'ехала ў кювет каля лесу. У выніку ДТЗ жанчына з траўмамі шпіталізавана ў раённую бальніцу. Яна была прышпіленая рамянём бяспекі. Кіроўца грузавога аўтамабіля не пацярпеў.

NN.by

0
BVI / Адказаць
19.08.2019 / 21:59
Может ещё продлить пенсионный возраст?Удивительно,как он прошёл медкомиссию в 64 года,тем более на "Е" категорию.Мой отец тоже работал на МАЗе с прицепом,в 58 лет перевёлся автослесарем т.к. тяжело было физически и психологически.
Каб пакінуць каментар, калі ласка, актывуйце JavaScript у наладах свайго браўзеру