20.08.2019 / 12:16

Лукашэнка: Дзякуй богу, што ў нас няма алігархаў 17

У аснове стабільнасці ў дзяржаве ляжыць унутрыпалітычная сітуацыя і давер людзей да ўлады. Пра гэта Аляксандр Лукашэнка заявіў сёння на нарадзе па пытанні якасці працы праваахоўных органаў па выяўленні і расследаванні злачынстваў, піша БЕЛТА.

«Я рэдка карыстаюся рознага роду патэтыкай і высокімі словамі, але сёння хачу сказаць, што наша з вамі сустрэча ў рамках гэтай нарады павінна стаць гістарычнай. Гістарычнай у тым сэнсе, што ў гэтай зале сабраліся ўсе тыя, ад каго залежыць суверэнітэт і незалежнасць нашай краіны, у іх аснове ляжыць стабільнасць. А ў аснове гэтай стабільнасці ляжыць унутрыпалітычная сітуацыя ў нашай дзяржаве і давер людзей да ўлады. Дык вось у гэтай зале сабраліся ўсе тыя, хто вызначае лёс краіны і, давайце не будзем крывіць душой, лёс кожнага з грамадзян. Ад нас з вамі залежыць, якой будзе краіна, як будуць жыць нашы людзі і якімі будуць гэтыя людзі», — падкрэсліў Аляксандр Лукашэнка.

Кіраўнік дзяржавы заявіў, што пасля нарады сітуацыя ў праваахоўнай сферы зменіцца кардынальна ў лепшы бок, будуць ліквідаваны ўсе недахопы, выяўленыя пры падрыхтоўцы да нарады. «Мы сабраліся не для таго, каб даць справаздачу адзін аднаму, а я — сказаць прыгожыя словы перад грамадствам. Нас будуць вінаваціць, што выбары і іншае. Справа абсалютна не ў выбарах, — звярнуў увагу ён. — Мы будзем казаць шмат бесстаронніх рэчаў, прынамсі, я нацэльваю вас на гэта».

У той жа час Лукашэнка заўважыў, што беларускае грамадства жыве не ў вакууме і бачыць тое, што адбываецца ва ўсходніх і заходніх суседзяў.

«Мы часта кажам: слава богу, што гэта не ў нас. Дзякуй богу, што мы не нарадзілі ў краіне клас алігархаў, якія не проста разрульваюць тыя ці іншыя сітуацыі, але і руляць краінай. Мы не дазволілі бандытам і злачынцам падзяліць краіну на часткі, крышаваць гэтыя часткі, паразітуючы на ​​нашых людзях. Гэта найвялікшае дасягненне не толькі апошняга часу, але ўсяго перыяду незалежнай Беларусі. і гэта зроблена дзякуючы той палітыцы, якую праводзіць улада, і таму, што робіце вы — прадстаўнікі праваахоўных органаў», — адзначыў беларускі кіраўнік.

0
меркаванне / Адказаць
20.08.2019 / 12:24
Можа проста ёсць нейкае іншае слова для машэнскага, вераб'я, пефціева, шакуціна і інш.?
2
кеша коршатый / Адказаць
20.08.2019 / 12:25
Правильно, в стране один барин-олигарх, которому принадлежит 200 тыс.км2 земельных наделов и 10 млн. крепостных...
1
user / Адказаць
20.08.2019 / 12:32
Зато у нас ты есть...
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру