20.08.2019 / 15:33

Сын Уладзіміра Макея паўдзельнічаў у адборы на дзіцячае «Еўрабачанне» ВІДЭА 15

Фота Надзеі Бужан

Арцём Макей, сын міністра замежных спраў Уладзіміра Макея і актрысы Веры Паляковай, узяў удзел у адборы на дзіцячае «Еўрабачанне» ў складзе гурта «Нясумны ўзрост», піша Tut.by

Сёння ў Белтэлерадыёкампаніі прайшло праслухоўванне ўсіх 38 удзельнікаў. Адзін з прэтэндэнтаў на перамогу — гурт «Нясумны ўзрост», які існуе пры аднайменнай студыі. У складзе «Нясумнага ўзросту» — навучэнцы аддзялення эстраднага вакалу мінскай «Дзіцячай школы мастацтваў №2».

Пад кіраўніцтвам педагога і мастацкага кіраўніка студыі Наталлі Сухамліной група ўжо ўдзельнічала ў адборы на дзіцячае «Еўрабачанне» (праўда, у іншым складзе). Сёлета група выканала песню «Файна» на беларускай мове.

Арцём Макей выступае не толькі на дзіцячых конкурсах. Так, на творчым вечары сваёй мамы Веры Паляковай, які прайшоў у красавіку 2018 года, ён выконваў з ёю песню «Шчасце».

У фінал нацыянальнага адбору пройдуць ад сямі да дзесяці выканаўцаў, якія будуць названы вечарам 20 жніўня.

Прадстаўнік Беларусі на конкурсе будзе вызначаны па выніках гала-канцэрта, які адбудзецца не пазней за 27 верасня. Пераможца будзе абраны па выніках галасавання гледачоў і прафесійнага журы.

Фінал конкурсу пройдзе ў польскіх Глівіцах у лістападзе.

NN.by

8
Скураныя крылы / Адказаць
20.08.2019 / 16:01
Хіт 2030 года, а можа раней.

28
Юзік Крулеўскі / Адказаць
20.08.2019 / 16:44
Макея (бацьку) -- у Прэзідэнты!
4
Жвір / Адказаць
20.08.2019 / 17:08
Юзік Крулеўскі
Макея (бацьку) -- у Прэзідэнты!
Nie!.. Vas ci nie malankaju daūbanula ? :)
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру