20.08.2019 / 20:26

Прэм'ер Італіі Контэ абвясціў пра адстаўку. Гэта прывядзе да адхілення ад улады Сальвіні 1

Прэм'ер-міністр Італіі Джузэпэ Контэ абвясціў пра адстаўку, піша ВВС.

Контэ абвясціў пра сваё рашэнне сысці ў адстаўку ў парламенце пасля таго, як віцэ-прэм'ер Матэа Сальвіні паставіў пытанне пра давер ураду.

Па словах Контэ, Сальвіні шукаў падставу для новых выбараў з таго самага моманту, як яго нацыянал-кансерватыўная партыя «Ліга» дасягнула поспеху на выбарах у Еўрапарламент.

На еўрапейскіх выбарах «Ліга» абагнала партнёраў па кааліцыі з папулісцкага «Руху пяці зорак» з 34% галасоў, спарадзіўшы чуткі пра тое, што лідар «Лігі» Матэа Сальвіні можа адмовіцца ад кааліцыі.

Прадметам для рознагалоссяў сталі пытанні давання большай аўтаноміі асобным рэгіёнам Італіі і мінімальнага памеру аплаты працы.

Вынікам адстаўкі Контэ, як прагназуюць у Італіі, стане стварэнне ўрадавай кааліцыі «Рухам пяці зорак» і леваліберальнай Дэмакратычнай партыяй. У выніку Сальвіні і яго папулісцкая Ліга апынуцца па-за ўрадам. Варта адзначыць, што Сальвіні лабіраваў збліжэнне Італіі і Еўрасаюза з Расіяй.

NN.by

8
Niemand / Адказаць
20.08.2019 / 22:51
Замест адньіх прамаскавіцкіх доу'бняу' зайдуць Іншьія прамаскавіцкія доу'бні.
Каб пакінуць каментар, калі ласка, актывуйце JavaScript у наладах свайго браўзеру