Прагноз надвор’я ў Беларусі на 7—9 лютага.
Паводле прагнозу Рэспубліканскага гідраметэацэнтра, у Беларусі 7 лютага будзе воблачна.
Месцамі невялікія ападкі, у асноўным дождж. У многіх раёнах туман, слабы галалёд. На асобных участках дарог галалёдзіца. Вецер паўднёва‑ўсходні 4—9 м/с. Тэмпература паветра ноччу мінус 3 — плюс 2°C, днём 0 — плюс 6°C, па паўднёвым захадзе да плюс 8°C.
Заўтра ў Мінску будзе воблачна. Ноччу без істотных ападкаў, днём невялікія ападкі, у асноўным дождж. Часам туман, слабы галалёд. На асобных участках дарог галалёдзіца. Вецер паўднёва‑ўсходні 4—9 м/с. Тэмпература паветра ноччу мінус 1 — плюс 1°C, днём плюс 1—3°C.
У наступныя двое сутак, 8 і 9 лютага, па краіне чакаецца воблачнае з праясненнямі надвор’е.
8 лютага месцамі ападкі, у асноўным дождж, туман. Ноччу і раніцай у асобных раёнах слабы галалёд, на дарогах галалёдзіца. Вецер паўднёва‑ўсходні 6—11 м/с. Тэмпература паветра ноччу мінус 2 — плюс 4°C, днём плюс 1—6°C, па паўднёвым захадзе да плюс 9°C.
9 лютага на большай частцы тэрыторыі ападкі (дождж, мокры снег). Ноччу па поўдні, днём месцамі ападкі моцныя. У заходніх раёнах наліпанне мокрага снегу. На асобных участках дарог галалёдзіца. Вецер усходні, днём з пераходам на паўночны 5—10 м/с. Тэмпература паветра ноччу і днём 0 — плюс 6°C.
8 лютага ў Мінску будзе воблачна з праясненнямі. Невялікія ападкі, пераважна дождж. На дарогах месцамі галалёдзіца. Вецер паўднёва‑ўсходні 6—11 м/с. Тэмпература паветра ноччу каля 0°C, днём плюс 3—5°C.
