23.08.2019 / 07:21

У Ганалулу пасля аварыйнай пасадкі A321 шпіталізавалі сем чалавек

Самалёт авіякампаніі Hawaiian Airlines здзейсніў аварыйную пасадку ў Ганалулу на Гавайскіх астравах з-за задымлення, сем пасажыраў былі шпіталізаваны, перадае Hawaii News Now.

Airbus 321 выконваў рэйс з каліфарнійскага Окленда на Гаваі. На яго борце знаходзіліся 184 пасажыры і сем членаў экіпажу.

hawaiinewsnow.com

За 20 хвілін да прыбыцця ў салоне і грузавым адсеку лайнера з'явіўся дым. Пасля пасадкі пасажыраў эвакуіравалі з дапамогай аварыйных трапаў.

Прадстаўнік авіякампаніі заявіў, што ў пяці дарослых і дваіх дзяцей, дастаўленых у бальніцы, выяўлены сімптомы, звязаныя з ўдыханнем дыму. Па папярэдніх дадзеных, іх стан нармальны.

Крыніца дыму альбо ачаг узгарання выяўленыя не былі.

NN.by

Каб пакінуць каментар, калі ласка, актывуйце JavaScript у наладах свайго браўзеру