24.08.2019 / 12:15

Унучка Лукашэнкі паступіла ў Ліцэй БДУ — самую прэстыжную навучальную ўстанову краіны 52

Унучка кіраўніка краіны (дачка яго сярэдняга сына Дзмітрыя) Настасся пачынае навучанне ў Ліцэі БДУ. Яна паступіла ў гуманітарны клас. Пра гэта «Нашай Ніве» расказалі выкладчыкі навучальнай установы.

Настасся Лукашэнка, фота Vk.com

Ліцэй БДУ — самая прэстыжная навучальная ўстанова краіны. Сюды паступаюць пасля 9 класаў школы.

Сёлета ўпершыню адбываўся набор па двух новых профілях для навучання ў гуманітарных класах. Першы — грамадазнаўства і англійская мова. Другі — гісторыя Беларусі і англійская мова. Прахадны бал на гуманітарны профіль склаў 140 (столькі трэба было набраць на іспытах па двух прадметах).

Настасся Лукашэнка паступіла на «грамадазнаўства і англійскую мову».

Раней дзяўчынка вучылася ў мінскай гімназіі №16, якая знаходзіцца ў Вяснянцы. Разам з сястрой Дар'яй, малодшай на год, яны займаюцца музыкай — граюць на фартэпіяна. Унучкі кіраўніка краіны не раз станавіліся прызёрамі творчых конкурсаў.

Чытайце: 

Апублікаваныя беларускамоўныя казкі ўнучак Лукашэнкі: Настасся і Дар’я напісалі пра снегавіка і аднарога — тэксты

Настасся і Дар'я Лукашэнка, 2017 г. Фота Вольгі Шукайла, Tut.by.

У Аляксандра Лукашэнкі сямёра ўнукаў.

У сям'і яго старэйшага сына Віктара чацвёра дзяцей. Дачка Вікторыя (1998) некалькі гадоў таму пачала платнае навучанне на факультэце міжнародных адносін БДУ. Апроч таго, у сям'і гадуюцца Аляксандр (2004), Валерыя (2009) і Яраслаў (2013).

У сям'і Дзмітрыя, апроч згаданых Настассі і Дар'і, малая Аляксандра (2014).

NN.by

4
меркаванне / Адказаць
24.08.2019 / 12:38
З целаахоўнікам будзе вучыцца? А дырэктара выбралі ўжо дзеля такой вучаніцы? 
5
Трактарыст-максімаліст / Адказаць
24.08.2019 / 12:39
Сёлета ўпершыню адбываўся набор па двух новых профілях для навучання ў гуманітарных класах. Настасся Лукашэнка паступіла на «грамадазнаўства і англійскую мову».
Ахаха, ну вы спадарства зразумелі... Ужо нават профілі ў ліцэях ставараюць пад пэўных асобаў. Грамадазнаўства, сур'ёзна? Гэта ўзровень ліцэя БДУ? Зніжаць ўзровень прэстыжнай навучальнай установы пад ўзровень аднаго вучня? Дакаціліся...



5
Лістападаўскі Ґаспадар / Адказаць
24.08.2019 / 12:51
Ну я б здзівіўся б, калі б яна у баранавіцкую вучэльню лёгкай прамысловасьці паступіла. Хай яшчэ вуса адросьціць, а то яе з сямьі могуць выперці. 
Паказаць усе каментары/ 52 /
Каб пакінуць каментар, калі ласка, актывуйце JavaScript у наладах свайго браўзеру