23.08.2019 / 19:21

Беларусь хоча закупляць нафту ў ЗША і наняла амерыканскага лабіста 28

Беларусь хоча ўпершыню закупіць амерыканскую нафту для сваіх нафтаперапрацоўчых прадпрыемстваў у імкненні дыверсіфікаваць імпарт і знізіць залежнасць ад суседняй Расіі, паведамляе «Голас Амерыкі».

Дзяржаўная «Беларуская нафтавая кампанія», афіляваная з нафтаперапрацоўчым канцэрнам «Белнафтахім», наняла лабіста Дэвіда Генкарэлі, каб дамагчыся змякчэння санкцый супраць Беларусі і атрымаць дазвол на закупку амерыканскай сырой нафты.

Генкарэлі дапаможа кампаніі атрымаць асаблівую ліцэнзію ад Міністэрства фінансаў ЗША для «закупкі сырой нафты з дастаўкай на нафтаперапрацоўчыя прадпрыемствы Рэспублікі Беларусь», паведамляецца ў дакументах, пададзеных у адпаведнасці з Законам аб рэгістрацыі замежных агентаў.

Сам Генкарэлі, які працуе лабістам на працягу амаль 30 гадоў, пакуль што не дае каментароў. Як сцвярджаецца ў яго профілі ў сацсетках, Генкарэлі аказвае сваім кліентам, у тым ліку ў энергетычнай сферы, дапамогу ва ўзаемадзеянні з Кангрэсам і рознымі федэральнымі ведамствамі.

Станам на 22 жніўня атрымаць каментар ад прадстаўніка амбасады Беларусі ў Вашынгтоне не ўдалося.

Аляксандр Лукашэнка ў ходзе візіту ў Казахстан у маі гэтага года сказаў, што хацеў бы дыверсіфікаваць структуру імпарту нафты. Аднак магчымасць Беларусі імпартаваць нафту з ЗША абмежаваная санкцыямі.

Вашынгтон увёў санкцыі ў дачыненні да Беларусі ў 2006 годзе ў адказ на «падрыў дэмакратычных працэсаў». Праз год санкцыі былі пашыраныя, і ў спіс трапіла кампанія «Белнафтахім».

NN.by

4
Дед Мороз / Адказаць
23.08.2019 / 19:53
Давно пора. Нефть с РФ - это некачественная жижа...
27
Черная Русь / Адказаць
23.08.2019 / 20:15
в Венесуэле уже закупали.. теперь в США .. а деньги кто-то даст на это?
1
Жвір / Адказаць
23.08.2019 / 20:22
у імкненні дыверсіфікаваць імпарт і знізіць залежнасць ад суседняй Расіі
Čvercstahoddzia ū *opu. Balta-Čarnamorski kaliektar boļš nie vyklikaje smiech ? A razumnyja ž liudzi kali jašče papiaredžvali...
Паказаць усе каментары/ 28 /
Каб пакінуць каментар, калі ласка, актывуйце JavaScript у наладах свайго браўзеру