Фота Сяргея Гудзіліна
Аляксандр Лукашэнка звяртае ўвагу на недапушчальнасць занадта вялікай нагрузкі на дзяцей у школах, асабліва дамашнімі заданнямі. Пра гэта ён заявіў сёння, прымаючы з дакладам міністра адукацыі Ігара Карпенку, піша БелТА.
«Наконт нагрузак у школе я ўжо казаў: нам трэба рабіць так, каб дзеткі, асабліва ў школах, атрымлівалі веды на ўроках, а дашліфоўвалі пры выкананні дамашніх заданняў. У ВНУ — зусім іншая справа. Там іншая справа, бо там чалавек прыйшоў на свой профіль. Ён да гэтага схільны, яму лягчэй будзе вучыцца, — сказаў кіраўнік дзяржавы. — А тут у вучня ўсё — ад матэматыкі да гуманітарных, тэхнічных прадметаў. Няма такіх дзяцей, якія ва ўсіх гэтых навуках аднолькава разбіраюцца».
«На гэта таксама трэба звяртаць увагу і не перагружаць дзяцей, асабліва дома. Не трэба, каб яны 5-6 гадзін адпрацавалі ў школе, і яшчэ столькі ж дома. Гэта ненармальна. Мы калечым дзяцей», — падкрэсліў беларускі кіраўнік.
