Журы прэміі Наталлі Арсенневай вызначылася з кароткім спісам прэтэндэнтаў на ўзнагароду. У яго ўвайшлі 3 кнігі.
Уладзімер Арлоў «Паручнік Пятровіч і прапаршчык Здань». Выдавецтва «Кнігазбор», Мінск.
Надзея Артымовіч «Краявід з невідочнай памылкай». Выдавецтва «Праграмная рада тыднёвіка «Ніва», Беласток.
Марыя Мартысевіч «Сарматыя». Выдавецтва «Янушкевіч», Мінск.
Цырымонія ўзнагароджання, на якой будзе названы пераможца прэміі, адбудзецца 10 верасня. Прыз складае 4000 рублёў.
Прэмія заснаваная ў гонар беларускай паэткі Наталлі Арсенневай (1903—1997) у 2017 годзе і ўручаецца за найлепшую паэтычную кнігу на беларускай мове. Першым лаўрэатам прэміі стаў Уладзімір Някляеў за зборнік паэзіі «Толькі вершы», другім — Алесь Разанаў з кнігай «Перавыбранае».
Каментары