У Гродне затрымалі п'янага кіроўцу таксі, паведамляе ДАІ.
Затрымаць парушальніка дапамог неабыякавы жыхар горада. Мужчына ўвечары 27 жніўня звярнуў увагу на дзіўныя манеўры аўтамабіля таксі: «Шкода» ехала па паркоўцы каля крамы па вуліцы Соламавай віляючы, потым аўто наскочыла на бардзюрны камень.
З машыны выйшаў кіроўца, які хістаўся. Відавочца тут жа патэлефанаваў у міліцыю. Кіроўца сеў у таксі і паспрабаваў з'ехаць, аднак неўзабаве яго затрымалі.
За рулём знаходзіўся 40-гадовы мужчына. У яго было 2,2 праміле алкаголю. Ён растлумачыў, што распіваў спіртное разам з суседам у машыне. Потым вырашыў з'ездзіць у краму.
