29.08.2019 / 11:25

Над правым флігелем Ружанскага палаца пачалі будаваць дах ФОТЫ 10

Дырэктарка Ружанскага палацавага комплексу роду Сапегаў Хрысціна Глушко расказвае пра планы на найбліжэйшыя гады — цалкам накрыць флігель дахам, скончыць рэстаўрацыю фасадаў і распрацаваць дакументацыю па ўнутраным добраўпарадкаванні.

Фота тэлеграм-канала @tropinki.

«У перспектыве там будзе кафэ на 60 месцаў і 24 гасцінічныя нумары. Яшчэ палову корпуса будзе займаць шматфункцыянальная зала са сцэнай і пасадачнымі месцамі для тэатральных пастановак, канферэнцый», — расказвае яна.

Фота тэлеграм-канала @tropinki.

Калі з дахам спадзяюцца скончыць у наступным годзе, то астатнія работы зоймуць не менш за пяць гадоў.

Фота тэлеграм-канала @tropinki.

«Усё залежыць ад фінансавання — пакуль гэты працэс добра рухаецца. На гэты момант у нас ёсць фінансаванне ад мясцовых органаў улады і Міністэрства культуры, — дзеліцца Хрысціна Глушко. — Канечне, на тэатральную залу, якая будзе аднаўляцца больш гістарычна дакладна, будзе затрачвацца больш часу і фінансаў. Таму мы прынялі рашэнне ў першую чаргу стварыць кафэ з гасцініцай і для зручнасці запусціць хоць гэту частку будынка, а пасля далей працягваць рэстаўрацыю».

НЛ

3
Бел / Адказаць
29.08.2019 / 11:29
Паедзем 31 жніўня ў Ружаны на Дажынкі і паглядзім якасць рэстаўрацыі палацу...
3
lesnick / Адказаць
29.08.2019 / 11:45
Не забудзьце павесiць шыльду на сцяну палаца, што яго у 1943 годзе падпалiлi савецкiя партызаны па загаду з Масквы i што ён гарэу 10 дзён!
3
LitvinM / Адказаць
29.08.2019 / 11:49
Гэта будзе яшчэ адна перліна Беларусі калі справу рэстаўрацыі і аднаўленьня давядуць да канца
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру