30.08.2019 / 20:25

Даследаванне: геямі не нараджаюцца — геямі становяцца 57

Даследаванне, якое праводзілася міжнароднай групай навукоўцаў з ЗША, Вялікабрытаніі, Швецыі і Даніі па ініцыятыве Нацыянальнага інстытута здароўя ЗША, і якое атрымала фінансаванне адтуль жа, паказала, што акрамя генетычнай схільнасці да гомасэксуальнасці, уплыў на развіццё аднаполых адносін аказваюць сацыяльныя і экалагічныя фактары.

У ходзе даследавання навукоўцамі былі прааналізаваны гены амаль 500 000 чалавек еўрапейскага паходжання з Брытаніі і ЗША. Атрымаўшы ДНК, даследчыкі вывучылі сувязь паміж генетычнай інфармацыяй і аднаполымі адносінамі, пра якія заяўлялі тыя, хто перадаў свой біялагічны матэрыял для навукоўцаў.

Атрыманыя вынікі паказалі, што існуе генетычная схільнасць да аднаполых адносін, але яна не такая значная як экалагічныя і сацыяльныя фактары.

«Як і ў выпадку з іншымі паводзіннымі рысамі, такімі як асоба, не існуе адзінага «гена гея», — кажа даследчык Андрэа Ганна. — Замест гэтага на аднаполыя сэксуальныя паводзіны, падобна, уплываюць сотні ці тысячы генаў, кожны з якіх мае свой малы эфект». Навукоўцы выявілі сувязь генетычных маркераў з аднаполым сэксуальнымі паводзінамі. Але, на думку навукоўцаў, у канкрэтным даследаванні не больш за 25% выпадкаў аднаполых адносін можна патлумачыць выключна генетыкай. Асобна даследчыкі падкрэслілі, што гены, звязаныя з аднаполымі сэксуальнымі паводзінамі, часткова супадаюць з генамі, звязанымі з псіхічнымі расстройствамі, такімі як шызафрэнія і дэпрэсія. Гэта можа быць вынікам дыскрымінацыі людзей, якія маюць палавыя кантакты з людзьмі таго ж полу.

Аўтары даследавання падкрэсліваюць, што аналізавалі геном людзей еўрапейскага паходжання. Таму іх высновы нельга праецыраваць на ўсё насельніцтва планеты Зямля.

Механізм можа працаваць зусім інакш у жыхароў іншых рэгіёнаў планеты і прадстаўнікоў іншых этнічных груп.

NN.by

86
Малады / Адказаць
30.08.2019 / 20:34
...Што і патрабавалася даказаць. Гей-парады - агрэсіўная форма навязваньня вычварэнскай псіхалогіі нармальным людзям, кропка.
62
БРСМ / Адказаць
30.08.2019 / 20:38
Супер! Шчыра дзякую Ніве за смеласць!!
40
Павел / Адказаць
30.08.2019 / 20:58
От рабства к свободе, от свободы к изобилию, от изобилия апатии, от апатии к удовольствиям, от удовольствий к половым извращениям и обратно к рабству.
Паказаць усе каментары/ 57 /
Каб пакінуць каментар, калі ласка, актывуйце JavaScript у наладах свайго браўзеру