01.09.2019 / 14:30

Тэрміны падключэння ІП да сістэмы кантролю касавага абсталявання перанясуць 4

Тэрміны падключэння касавага абсталявання індывідуальных прадпрымальнікаў да сістэмы кантролю касавага абсталявання (СККА) будуць перанесеныя. Цяпер рыхтуецца адпаведны праект пастановы Савета Міністраў і Нацыянальнага банка, паведамілі БЕЛТА у Міністэрстве па падатках і зборах.

Прадугледжваецца павелічэнне тэрмінаў магчымасці выкарыстання касавага абсталявання без ўстаноўкі сродкаў кантролю падатковых органаў (СКПО) у выпадку заключэння індывідуальнымі прадпрымальнікамі з РУП «Інфармацыйна-выдавецкі цэнтр па падатках і зборах» (РУП ІВЦ) дамоваў на ўстаноўку, абслугоўванне, зняцце СКПО.

Змены ў заканадаўства рыхтуюцца з улікам прапаноў Рады па развіцці прадпрымальніцтва і Бізнес-саюза прадпрымальнікаў і юрыдычных асобаў «Канструктыўны дыялог».

Падатковым органам дадзена даручэнне да разгляду праекта пастановы не праводзіць кантрольныя мерапрыемствы па гэтым пытанні.

«Запланаваныя змены дазволяць ІП прыняць рашэнне па замене касавага абсталявання з улікам з'яўлення ў Беларусі альтэрнатыўнага рашэння — праграмных кас», — адзначылі ў МПЗ.

Як паведамлялася, раней устаноўленыя тэрміны прадугледжвалі, што ІП у гарадах абласнога падпарадкавання і Мінску забяспечаць падключэнне касавага абсталявання да СККА з 1 верасня, у гарадах раённага падпарадкавання — з 1 кастрычніка, з 1 лістапада — на ўсёй тэрыторыі Беларусі.

0
Матёрый / Адказаць
01.09.2019 / 15:14
Сроки переносят!!! И смех и грех. Сразу нормальный закон внести не могут. Постоянно дополнение, изменение, переносы.
0
Скураныя крылы / Адказаць
01.09.2019 / 15:54
І за тое, што цябе будуць кантраляваць, трэба плаціць грошы. Дык у чым тады сэнс падаткаў?  
0
Николай Апетёнок / Адказаць
01.09.2019 / 16:16
Не устанавливать, так не устанавливать, а устанавливать, так устанавливать. Надоело. Только что-то запланируешь, выходит закон, как только перепланируеш, выходит корректировка. Показатель наличия ума у власти. А Беларусь - уже не страна, а ТЕРРИТОРИЯ ВЕЧНЫХ ЭКСПЕРИМЕНТОВ НАД СОБСТВЕННЫМ НАРОДОМ. 
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру