02.09.2019 / 11:56

Чыгунка зняла з продажу аднаразовыя без даты квіткі на гарадскія электрычкі 1

«Беларуская чыгунка ўвесь час пашырае магчымыя спосабы аплаты праезду для зручнасці пасажыраў», — расказалі «Нашай Ніве» у прэс-цэнтры Беларускай чыгункі.

«На Мінску-Пасажырскім цяпер працуюць 10 новых тэрміналаў самаабслугоўвання, дзе пасажыры могуць самастойна купіць квіткі на цягнікі рэгіянальных ліній эканамкласа і гарадскіх ліній. У гэтых тэрміналах можна расплаціцца як банкаўскімі карткамі, так і наяўнымі грашыма. Квіток можна набыць у касе, у самім цягніку гарадскіх ліній можна расплаціцца карткай. Акрамя таго, можна набыць шматразовы праязны», — расказваюць у прэс-цэнтры.

З іншых навацый: за пасцелю з 2 верасня аплаціць можна адразу ў білетнай касе разам з купляй квітка.

«Зноў жа, гэта робіцца для зручнасці пасажыраў, у якіх не заўсёды ёсць з сабой наяўныя грошы, каб расплаціцца з правадніком», — удакладнілі ў прэс-цэнтры.

NN.by

3
Кажан / Адказаць
02.09.2019 / 16:06
Ну вось. Усё далей і далей уніфікуемся з РФ. Хутка квіткі на ўнутраныя цягнікі пачнуць прадавасьць па пашпартах. А там глядзі й зробяць з РБ суб'ект фэдэрацыі.
Каб пакінуць каментар, калі ласка, актывуйце JavaScript у наладах свайго браўзеру