02.09.2019 / 15:00

Лукашэнка назваў «хламам» вышэйшую матэматыку ў ВНУ на няпрофільных спецыяльнасцях 32

БелТА

Аляксандр Лукашэнка сёння, размаўляючы на ​​ўроку са старшакласнікамі мінскай школы № 93, распавёў, якія прафесіі ён лічыць найлепшымі. На пытанне назваць дзве-тры самыя запатрабаваныя ў будучыні прафесіі, Аляксандр Лукашэнка параіў юным суразмоўцам «не заганяцца» з гэтай нагоды, піша sb.by.

— Ці будуць усе прафесіі запатрабаваныя, вы іх бачыце. Спакойна вучыцеся, у дзясятым класе вы адчуеце свае здольнасці да чагосьці. Вось гэтым шляхам і ідзіце. Любыя прафесіі, якія сёння вы ведаеце, будуць запатрабаваныя ў будучыні. Прафесіі проста так не знікаюць імгненна. Урэшце, яшчэ і самі прыдумаеце нейкую прафесію, чым займацца. Запомніце, у вас павінны быць да гэтага здольнасці. Калі не — можна, але гэта цяжка.

Паводле слоў кіраўніка краіны, у свой час яму давялося сканчаць эканамічны факультэт:

— Шмат там хламу было, я ўжо цяпер як прэзідэнт гэта прыбіраю ў ВНУ, шмат непатрэбнага. Напрыклад, вышэйшая матэматыка. Трэба разумець, што гэта такое, але так глыбока даваць яе…

Колькі я потым ні працаваў у сельскай гаспадарцы, у прамысловасці, мне яна ў такім аб'ёме не патрэбна была. Але мы ж усё роўна ўбіваем чалавеку ў галаву гэтую вышэйшую матэматыку. Калі ты матэматык, фізік і іншае — гэта трэба. Таму я настойваю: не трэба, каб шпігавалі дзяцей у школе 11 гадоў ўсім і ўсімі. Трэба даць базу, каб ён мог вызначыцца, чым займацца далей. Але самая лепшая прафесія — гэта настаўнік. Або кіраўнік нейкага прадпрыемства. Калі б я не быў настаўнікам, не атрымаў педадукацыі, я не быў бы прэзідэнтам.

NN.by

0
Той самы / Адказаць
02.09.2019 / 15:11
Падобна што калі Коля стане студэнтам, то ў ВНУ не трэба будзе вывучаць шмат што... можа нават анатомію ў мэдыцынскіх ВНУ ці  чарвей на біяфаках... 

Галоўнае - навучыцца даіць карову і капаць бульбу.


3
Вясковы Лірнік / Адказаць
02.09.2019 / 15:16
Калі гэта й сапраўды так, то далейшыя думкі гэтага чалавека слухаць не абавязкова.
11
LitvinM / Адказаць
02.09.2019 / 15:18
Давай палі/жгі, малайца, яшчэ 20 год - і дэбілізацыя насельніцтва будзе выканана, будзем як тыя амерыканцы Антарктыду ў Аўстраліі шукаць
Паказаць усе каментары/ 32 /
Каб пакінуць каментар, калі ласка, актывуйце JavaScript у наладах свайго браўзеру