Суд вынес прысуд расійскаму блогеру Уладзіславу Сініцы, абвінавачанаму ў распальванні нянавісці пасля допіса ў твітары. Яго прысудзілі да пяці гадоў калоніі.
Пракуратура раней настойвала на пакаранні ў выглядзе шасці гадоў калоніі.
Уладзіслаў Сініца не прызнаў віну. Ён пацвердзіў, што напісаў такі твіт, але, паводле яго слоў, паведамленне нельга лічыць пагрозлівым — ён проста разважаў пра магчымыя наступствы для сілавікоў.
Судовае следства па справе блогера заняло адзін дзень, былі дапытаныя два сведкі, якія ўбачылі твіт Сініцы — расгвардзейцы Андрэеў і Тарасаў. Пры гэтым адзін з іх заявіў, што ўспрыняў твіт як заклік выкрадаць дзяцей супрацоўнікаў з наступнай расправай, другі расцаніў яго як пагрозу.
0
0
0
0
0
0
