09.09.2019 / 07:01

15 верасня — падарожжа на Мёршчыну, у край журавоў і журавін 1

Экалагічнае свята «Журавы і журавіны Міёрскага краю» праводзіцца штогод у верасні. Месца і час незвычайнага свята абраныя нездарма: менавіта ў верасні тут пачынаецца сезон збору журавін, а па запасах гэтых ягад балота Ельня займае першае месца ў Беларусі.

Акрамя таго, у гэты час на Мёршчыне штогод падчас восеньскай міграцыі прыпыняюцца на адпачынак больш за трыццаць тысяч шэрых журавоў і дзясяткі тысяч гусей розных відаў.

Пабачыць гэту незвычайную прыгажосць запрашае фонд «Краіна замкаў».

Вартыя ўвагі і самі Мёры. Упершыню, як маёнтак Мярэя ў Браслаўскім павеце Вялікага Княства Літоўскага, яны гадваюцца ў 1514 годзе. Сёння гэта ўтульны гарадок на беразе маляўнічага возера з захаванай забудовай старадаўняй планіроўкі XVIII-XIX стагоддзяў.

Пабачаць удзельнікі экскурсіі і Ельню — самае вялікае верхавое балота ў Беларусі і адно з найбуйнейшых у Еўропе. Тут больш за 100 азёр, якія чаргуюцца з невялікімі астравамі, зарослымі лесам і ствараюць непаўторны мазаічны ландшафт.

Запісацца ў падарожжа на свята журавоў і журавін можна па тэлефонах:

(17) 203-69-70

(17) 226-03-02

(29) 682-58-07

(29) 772-77-58

Болей інфармацыі — на сайце www.zamak.by.

Фонд «Краіна замкаў». УНП 690382807

NN.by

3
Юзік Крулеўскі / Адказаць
05.09.2019 / 10:59
Ніхалеры там няма старадаўняй забудовы! Бачыў на набярэжнай гадоў 10 таму адзіны дом у закапанскім стылі з галерэямі. Потым, праз пару гадоў, прыязджаю -- няма! Зашалявалі пластыкам дом, паставілі вокны ПВХ, а галерэі "зашылі". Адно мае цікавасць -- неагатычны касцёл, а яшчэ 2-узроўневая набярэжная. Досыць арыгінальна зроблена! Пекна!

Аўтарам праекту касцёла ёсць Антон Дубовік, віленскі губернскі архітэктар. Па яго ж праекту зробленая выдатная перабудова касцёла св. Тройцы пад "віленскае барока" у Глыбокім (1902-08 гг). Па яго ж праекту ідэнтычны мёрскаму касцёлу -- касцёл у Задарожжы (пад Глыбокім).

А што да журавінаў, то журавіны ў цукры робіць у Глыбокім прыватная фірма "Аржаніца". У снежні з дэлегацый быў у Нямеччыне. Усе захапілі з сабой беларускія сувеніры ў тым ліку і глыбоцкія журавіны ў цукры. Дык немчура пыталася, што за ягада такая? У іх і слова такога няма, бо няма і балотаў! Дык тлумачылі з ангельскай мовы. Бо толькі у беларускай  і ангельскай мовах -- жураўлі і журавіны сугучныя! Па ангельску журавіны перакладаюцца, як "жураўліная ягада"  (cranes and cranberries).

Вы не падумайце, што я маю нешта супраць Мёраў. Проста мёрскай ваце, хоць сцы ў вочы, не дакажаш, што правільна Мёры. Яны ж кажуць -- Міоры, так "красівей" і гатовыя цябе задушыць, калі кажаш "Мёры"! 
Каб пакінуць каментар, калі ласка, актывуйце JavaScript у наладах свайго браўзеру