Дзень Волі ў 2019 г., фота Волі Афіцэравай
У Беларусі створаны аргкамітэт па святкаванні Дня Волі-102. У яго склад увайшлі сацыял-дэмакраты і правацэнтрысты, піша Еўрарадыё
Аргкамітэт створаны больш чым паўгода да Дня Волі.
Мікалай Казлоў з Аб’яднанай грамадзянскай партыі, Ігар Барысаў з Беларускай сацыял-дэмакратычнай партыі (Грамада), Юрый Губарэвіч з руху «За свабоду», Віталь Рымашэўскі з аргкамітэта па стварэнні партыі БХД заклікаюць да супрацоўніцтва іншыя палітычныя сілы, грамадскія арганізацыі.
Аргкамітэт збіраецца арганізаваць у Мінску канцэрт-мітынг у нядзелю, 22 сакавіка.
На наступны дзень запланавана ўскладанне кветак да памятнага знаку прэм’ер-міністру БНР Антону Луцкевічу ў мінскім скверы імя Янкі Купалы. 24 сакавіка мусяць адбыцца лакальныя імпрэзы, а 25 сакавіка — квест «Дзе мой аўтазак?».
Арганізатары будуць збіраць сродкі на святкаванне Дня Волі-102.