Пяць чалавек памерлі ў ЗША з-за ўрагану «Дарыян», які знаходзіцца цяпер недалёка ад узбярэжжа штата Паўночная Караліна. Пра гэта паведаміў у чацвер тэлеканал CNN.
Па звестках тэлеканала, па розных прычынах, выкліканым набліжэннем урагану, у Фларыдзе памерлі тры чалавекі, і двое - у Паўночнай Караліне. CNN канстатуе, што ў дадзеным выпадку гаворка не ідзе пра непасрэдных ахвяраў урагану - так, у Паўночнай Караліне ў мужчыны адбыўся сардэчны прыступ, калі ён спрабаваў дастаць з вады човен, каб яго не пашкодзіла падчас буры.
На Багамскіх выспах, па якіх прайшоўся «Дарыян», загінулі 30 чалавек. І колькасць ахвяр можа яшчэ вырасці.
Пошукавыя і выратавальныя аперацыі там працягваюцца.
Паводле апошніх ацэнак Нацыянальнага цэнтра па назіранні за ўраганамі ЗША, «Дарыян» знаходзіцца цяпер прыкладна за 60 км на паўднёвы ўсход ад амерыканскага прыбярэжнага горада Уілмінгтон (штат Паўночная Караліна) і рухаецца ў паўночна-ўсходнім кірунку з хуткасцю 5,9 м/с. Максімальная хуткасць ветру ў межах атмасфернай з'явы складае каля 44 м/с. Паводле прагнозаў, «Дарыян» будзе знаходзіцца ля ўзбярэжжа Паўночнай Караліны і ў пятніцу. У наступныя некалькі дзён ён, верагодна, пачне слабець.
