06.09.2019 / 19:25

Навукоўцы: у тыраназаўра ў галаве быў «кандыцыянер» 1

У тыраназаўра рэкса (Tyrannosaurus rex), буйнога і актыўнага драпежніка, быў адзін сур'ёзны недахоп: ён моцна пераграваўся. Каб спраўляцца з гэтым, у яго ў чэрапе былі 2 буйныя адтуліны, якія, як мяркуюць навукоўцы, з'яўляліся ўнутраным «кандыцыянерам», піша BBC.

Раней лічылася, што гэтыя адтуліны ў верхняй частцы галавы былі занятыя мышачнай тканкай, аднак цяпер група даследчыкаў з ЗША прыйшла да высновы, што адтуліны насамрэч былі зацягнутыя сеткай крывяносных сасудаў.

Даўно вядома, што буйным жывёлам патрэбныя дадатковыя механізмы ахалоджвання, паколькі ў спякоту іх арганізм можа пацярпець ад перагрэву.

Напрыклад, у алігатараў таксама маюцца запоўненыя крывяноснымі сасудамі паглыбленні, якія дапамагаюць рэгуляваць тэмпературу цела.

Вывучыўшы скамянелыя парэшткі і трохмерныя выявы чэрапа тыраназаўра рэкса, спецыялісты выявілі, што ў гэтых дыназаўраў былі падобныя адтуліны.

Раней навукоўцы лічылі, што 2 буйныя адтуліны ў чэрапе драпежніка былі занятыя цягліцамі, задзейнічанымі ў рабоце сківіц.

NN.by

0
Жвір / Адказаць
06.09.2019 / 20:38
Ну, во, бачыце, якая гэта была складаная і прасунутая істота! А казалі, што дыназаўры былі прымітыўныя ды злосныя... Я ўпеўнены, што наступным адкрыцьцём навукоўцаў будзе характар дыназаўраў,.. чуллівы і спагадлівы... Вось убачыце...
Каб пакінуць каментар, калі ласка, актывуйце JavaScript у наладах свайго браўзеру