07.09.2019 / 00:31

У Мінздароўя расказалі, чаму з аптэк зніклі «Фервекс», «Колдрэкс» і «Тэрафлю» 8

У рэдакцыю агенцтва «Мінск-Навіны» звярнуліся чытачы, якім напярэдадні сезона прастуд патрэбныя менавіта «Фервекс», «Колдрэкс» і «Тэрафлю», а не іх аналагі. Але гэтых лекаў яны не могуць знайсці.

Сітуацыю патлумачылі ў Міністэрстве аховы здароўя.

— Рэгістрацыя «Фервекс» у Беларусі завяршылася ў 2017-м, — распавяла начальнік упраўлення фармацэўтычнай інспекцыі і арганізацыі лекавага забеспячэння Наталля Малашка. — Адсутнасць прэпарата ў наяўнасці кажа пра тое, што вытворца проста сышоў з нашага рынку. Напэўна, яму ён не цікавы па аб'ёмах продажаў. З'явіліся і канкурэнты — айчынныя аналагі. Якія лекі яшчэ цікавяць?

— «Колдрэкс».

— Рэгістрацыя таблетак скончылася яшчэ ў 2013 годзе, з таго часу таблеткавыя формы гэтага прэпарата не прадавалі ў аптэках, а калі былі, то рэшткі. Рэгістрацыя «Колдрэкс МаксГрып» (парашок для падрыхтоўкі раствору) у Беларусі скончылася ў студзені 2019-га. Магчыма, у астатку яшчэ ёсць у рэгіёнах. Звычайна паўторная працэдура займае каля трох месяцаў. Пакуль што новай рэгістрацыі няма. Магчыма, кампанія-вытворца пакінула наш рынак. Мы не можам паўплываць на яе рашэнне.

— «Тэрафлю» таксама няма ў продажы.

— Рэгістрацыя прэпарата ў выглядзе парашка завяршылася ў жніўні 2018-га, але лякарства прайшло перарэгістрацыю, цяпер яна бестэрміновая. Магчыма, да сезона прастуд і грыпу прэпарат з'явіцца. Цяпер у аптэках ёсць яго разнавіднасць — антысептык мясцовага дзеяння для лячэння інфекцый поласці рота і глоткі.

11
Аматар смажанай бульбы / Адказаць
07.09.2019 / 07:46
"айчынныя аналагі" Прыйшлося нядаўна паспрабаваць гэты самы АНАЛаг.. Спачатку так i не атрымалася цалкам растварыць парашок у вадзе: усё роўна засталіся плаваць нейкія белыя шматкi, хаця актыўна папрацаваў лыжкай хвіліны дзве. Ну i галоўнае: тэмпература знізілася толькi на 0.4° (38.8 - > 38.4), i нiякай палёгкi не адчуў. Прыйшлося пазычыць у суседа Фервекс - праз паўгадзіны быў як агурок! Так што самi травiцеся сваiмi АНАЛагамi, а мы лепш у Польшчу зганяем за сапраўднымi лекамi, а не пародыямi на iх...
1
Дмитрий222 / Адказаць
07.09.2019 / 08:14
Мига нет. Бел аналог не помогает от головы...
1
Віктар / Адказаць
07.09.2019 / 08:38
Так а гэтыя лекі лечаць ці толькі сымптомы здамаюць?
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру