Сіноптыкі распавялі, колькі яшчэ пратрымаецца лета, а калі рэзка пахаладае
Сярэднясутачныя тэмпературы на 2-4 градусы перавышаюць кліматычную норму, што больш адпавядае сярэдзіне жніўня. Так цёпла ў першай дэкадзе верасня ў Беларусі бывае адзін раз у 10—15 гадоў. Пра гэта TUT.BY паведамілі ў Белгідрамеце.
У аўторак, 10 верасня, у асобных раёнах пройдуць кароткачасовыя дажджы, дзе-нідзе з навальніцамі. Вецер паўднёва-ўсходні, паўднёвы парывісты. Ноччу + 10 … + 16°С, максімальная днём + 21 … + 27°С. У Мінску — +23—25°С.
У сераду пераважна без ападкаў, толькі ў асобных раёнах па поўначы Беларусі кароткачасовыя дажджы. Днём + 20 … + 26°С, па паўднёвым усходзе да + 28°С. У Мінску — +21—23°С
12 верасня, у чацвер, пераважна без ападкаў. Ноччу + 7 … +14°С, максімальная днём ад + 20°С па паўночным захадзе да + 28°С па паўднёвым усходзе. У Мінску — +21—23°С.
13 верасня, у пятніцу, днём + 18 … + 25°С, у Мінску — +18—20°С.
На гэтыя выходныя сітуацыя ў атмасферы зменіцца. У халодным паветры ўтворыцца цыклон і яго атмасферны фронт, ссоўваючыся праз нашу краіну, стане адціскаць цёплае паветра за межы Беларусі. Пачнецца пахаладанне.
У суботу, 14 верасня, тэмпература паветра мінімальная ноччу + 6 … + 12°С, месцамі да + 14°С, максімальная днём + 13 … +18°С, па паўднёвым усходзе каля 20°C. У Мінску — +14—16°С.
У нядзелю днём будзе ўжо + 10 … + 17°С. Адчуванне халоднага восеньскага надвор'я пагоршыць парывісты заходні, паўночна-заходні вецер.
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары