У розных гандлёвых кропках Віцебска сталі знаходзіць фальшывыя 20-рублёўкі. Усяго было ўстаноўлена пяць падобных фактаў. Як правіла, імі разлічваліся на аб'ектах вулічнага гандлю і рынках, калі ажыццяўлялі нязначныя пакупкі. Пасля гэтага падробкі пачыналі вандраваць з рук у рукі, паведамляе прэс-служба міліцыі.
Дзякуючы сумеснай аперацыі, якую правялі супрацоўнікі падраздзяленняў па барацьбе з эканамічнымі злачынствамі ўдалося выйсці на след падазраванага. Ім аказаўся раней судзімы 41-гадовы жыхар абласнога цэнтра.
У часе ператрусу ў яго ў кватэры былі выяўленыя надрукаваныя на лістах фармату А-4 фальшывыя грошы. Мужчына затрыманы.
0
0
0
0
0
0
