Браканьер з Салігорска сеткамі вылавіў 280 кг рыбы. Яму пагражае да трох гадоў турмы
Раніцай 6 верасня ў міліцыю паступіла паведамленне ад супрацоўнікаў вартавой аховы рыбгаса пра тое, што падчас незаконнай лоўлі рыбы з сажалкі быў затрыманы мужчына.
На месцы здарэння праваахоўнікі затрымалі 30-гадовага беспрацоўнага жыхара Салігорска. Пры сабе ў яго былі поліпрапіленавыя мяшкі, у якія была раскладзена выкрадзеная рыба.
Мужчына прыехаў да сажалкі ў раёне 21.00 5 верасня і расставіў па вадаёме 4 рыбалоўныя сеткі, кожная працягласцю каля 50 метраў. Ноччу яму ўдалося сабраць немалы ўлоў — 270 кг карпа і больш за 8 кг таўсталобіка.
Завялі крымінальную справу па частцы 1 артыкула 205 Крымінальнага кодэкса Рэспублікі Беларусь (крадзеж). Падазраванаму пагражае пакаранне грамадскімі працамі, або штрафам, або папраўчымі работамі на тэрмін да двух гадоў, або арыштам, ці абмежаваннем волі на тэрмін да трох гадоў, або пазбаўленнем волі на той жа тэрмін.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары