10.09.2019 / 12:51

Памёр 19-гадовы ўчастковы, якога ў докшыцкім бары ўдарыў іншы міліцыянт  16

Іван Хілько не дажыў чатыры дні да свайго 20-годдзя.

9 верасня ў мінскай бальніцы памёр 19-гадовы ўчастковы Докшыцкага РАУС Іван Хілько.

31 жніўня ў докшыцкім бары «Сфера» яго ўдарыў іншы міліцыянт, 22-гадовы Аляксандр Жданько. Па словах мясцовых жыхароў, канфлікт адбыўся праз дзяўчыну, якую не маглі падзяліць Жданько і адзін з братоў Івана.

Пасля Івана забрала хуткая, яго перавезлі ў Віцебск, адтуль у Мінск. Ён знаходзіўся ў рэанімацыі.

Бацькі Івана не захацелі размаўляць з журналістамі. Але іх знаёмыя распавялі, што нібыта пасля ўдару ў Івана моцна траўмавалася сківіца, адзін з яе аскепкаў пашкодзіў сонную артэрыю. А пасля падзення хлопец яшчэ і моцна ўдарыўся скроняй.

Пахаваюць Івана Хілько 11 верасня ў яго роднай вёсцы Несцераўшчына, што пад Докшыцамі. 13 верасня хлопцу магло б споўніцца 20 гадоў.

Аляксандр Жданько, які ўдарыў Івана, быў затрыманы пасля бойкі, пасля яго адпусцілі пад падпіску.

УШ

3
lesnick / Адказаць
10.09.2019 / 13:10
Докшыцкiя "шэрыфы" дзеуку не падзялiлi... сумна... яшчэ жыць яму ды жыць трэба!
5
LitvinM / Адказаць
10.09.2019 / 13:24
Гэта не праваахоўнікі, а зброд
9
падарожны / Адказаць
10.09.2019 / 13:38
Шкада да болю хлопца і бацькоў, зусім не пажыў на белым свеце. Вечны супакой.
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру