10.09.2019 / 17:38

Жыхар Узды ўдарыў пляшкай віна па галаве пенсіянера і забраў грошы

Ва Уздзе да супрацоўнікаў міліцыі, што патрулявалі вуліцы, звярнуўся 70-гадовы мужчына. Ён паведаміў, што яго збіў невядомы і забраў грошы, піша mlyn.by

Міліцыя ўстанавіла, што напад здзейсніў раней неаднаразова судзімы 39-гадовы. Зламыснік пабачыў мужчыну, які выходзіў з банка. А ў бязлюдным месцы напаў на яго.

 Ён вырваў з рук старога чалавека пляшку віна і ўдарыў па галаве. Таксама нанёс некалькі удараў нагамі па тулаве. Пасля чаго выкраў з кішэні курткі каля 40 рублёў і збег, але аператыўнікі яго затрымалі.

NN.by

Каб пакінуць каментар, калі ласка, актывуйце JavaScript у наладах свайго браўзеру