11.09.2019 / 12:16

Мужчына, што кінуў з 12-га паверха пляшку, якая ледзь не забіла прахожую, трапіў пад амністыю 5

Мужчына, якога асудзілі да пяці гадоў пазбаўлення волі ў папраўчай калоніі ва ўмовах узмоцненага рэжыму, падаў апеляцыйную скаргу ў Мінскі гарадскі суд. Па вердыкце судовай калегіі па крымінальных справах яго дзеянні былі перакваліфікаваныя, а прысуд раённага суда адменены, паведамляюць Мінск-Навіны.

Нагадаем, інцыдэнт адбыўся 9 верасня 2018 г. У той вечар, пасля 22 гадзіны, жанчына з братам ішла па ходніках вул. Лабанка каля дома № 40, калі раптам адчула моцны ўдар па галаве. Гэта была пляшка з-пад гарэлкі, якая звалілася з вышыні. Жанчына атрымала сур'ёзныя траўмы — удар галаўнога мозгу, пераломы зводу і асновы чэрапа, якія адносяцца да катэгорыі цяжкіх цялесных пашкоджанняў. Дактары казалі, што яна нарадзілася ў кашулі — ад такога ўдару вялікая імавернасць памерці.

Абвінавачаны факт таго, што ён выкінуў з балкона дзве пляшкі, у ходзе судовага разбіральніцтва не адмаўляў, не аспрэчваў і ў апеляцыйнай скарзе. Паказанні пацярпелай пацвярджаліся заключэннем эксперта.

Але калі раней мужчыну абвінавачвалі ў наўмысным прычыненні цяжкага цялеснага пашкоджання з хуліганскіх меркаванняў (п. 7 ч. 2 арт. 147 КК), то зараз яго дзеянні перакваліфікавалі ў прычыненне цяжкага або менш цяжкага цялеснага пашкоджання па неасцярожнасці (арт. 155 КК). Пакаранне, адпаведна, стала ў разы мякчэйшае — абмежаванне волі без накіравання ў выпраўленчую ўстанову адкрытага тыпу тэрмінам на два гады.

Акрамя гэтага судовая калегія па крымінальных справах Мінгарсуда прымяніла да мінчука амністыю як да чалавека, што ўчынiў злачынства, якое не ўяўляе вялікай грамадскай небяспекі, і вызваліла ад прызначанага пакарання.

У апеляцыйным вызначэнні гаворыцца, што суду не было прадстаўлена якіх-небудзь доказаў ўсведамлення абвінавачаным у момант выкідання пляшак факту знаходжання на пешаходнай дарожцы людзей і, адпаведна, магчымасці прычынення каму-небудзь цялесных пашкоджанняў. А паказанні падсуднага, які заявіў, што, выкідваючы тару, ён не прадбачыў магчымасці вынікаў грамадска небяспечных наступстваў, у ходзе папярэдняга следства і судовага разбору абвергнутыя не былі.

«Абставіны падзей, якія выявіліся ў выкіданні абвінавачаным бутэлек з балкона ў цёмны час сутак, адсутнасці асвятлення на месцы здарэння, значнай адлегласці ад дома да пешаходнай дарожкі, наяўнасці дрэў, якія закрываюць яе агляд, магчымасць змены траекторыі палёту пляшкі пры трапленні ў галінкі дрэў, сведчаць пра тое, што абвінавачаны не прадбачыў магчымасці вынікаў грамадска небяспечных наступстваў свайго дзеяння, хоць пры неабходнай уважлівасці і прадбачлівасці павінен быў і мог іх прадбачыць», — значыцца ў вызначэнні.

Тая самая сцежка, што вядзе да прыпынку транспарту

З вердыктам Мінскага гарадскога суда пацярпелая не згодная і збіраецца аспрэчваць, пісаць скаргі ва ўсе інстанцыі. У гэтым яе вельмі падтрымлівае сям'я. Калі раней яны не звярталіся да дапамогі адваката, мяркуючы, што віна зламысніка відавочная, то зараз звярнуліся да спецыяліста, які будзе прадстаўляць іх інтарэсы.

NN.by

0
Igar / Адказаць
11.09.2019 / 12:26
в таком случае только ............
0
crafter_7 / Адказаць
11.09.2019 / 12:44
Беларускі суд - самы гуманны суд у свеце, калі ты быдлос і алканаўт. Спадзяюся, пацярпелая і яе сям'я даб'юцца адэкватнага пакарання. Магчыма, нават лепей дабівацца большай грашовай кампенсацыі, а не пасадкі. 10 тысяч пры такіх пашкоджаннях - гэта смех. Трэба дамагацца ў разы большай кампенсацыі, каб аматар выпіць і выкінуць тару ў наступны раз падумаў, ці пацягне ён гэта фінансава.
0
гоблін / Адказаць
11.09.2019 / 12:59
Спраедливость как она есть. Кушайте
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру