11.09.2019 / 13:31

Вясковец скраў у суседа электраінструмент — і стаў інвалідам 6

Здарылася гісторыя ў в. Гарадзілава, што ў Маладзечанскім раёне, паведамляе абласная міліцыя.

Сяброўства двух таварышаў скончылася сумна. Прычым страту дарагога электраінструмента 60-гадовы гаспадар заўважыў не адразу. У міліцыю ён звярнуўся ўжо праз некалькі дзён пасля злачынства. Скрадзеныя вуглашліфмашынку і электрадрыль ацаніў у 250 рублёў.

Міліцыя высветліла, што электраінструменты выкраў 63-гадовы аднавясковец, які часцяком зазіраў у госці. Мужчыну затрымалі па месцы жыхарства. Ён не стаў адмаўляць сваёй віны. А таксама распавёў, што неяк заўважыў у таварыша на верандзе электраабсталяванне і выкраў яго, калі гаспадара не было дома.

Электрадрыль прамяняў на выпіўку, а шліфавальнай машынкай падзяліўся з агульным знаёмым.

У дачыненні да 63-гадовага мужчыны распачалі крымінальную справу па артыкуле «Крадзеж» і аштрафавалі на 765 рублёў.

Вось толькі гісторыя на гэтым не скончылася, і інцыдэнт атрымаў далейшае развіццё. Цяпер ужо пад абвінавачваннем знаходзіцца гаспадар электраінструмента, які падазраецца ў нанясенні цяжкіх цялесных пашкоджанняў.

«Высвятляючы адносіны пасля крадзяжу, мужчына ўдарыў крыўдзіцеля кулаком у твар. Паступіў так, як сцвярджае сам, з асабістай непрыязнасці, пачуўшы на свой адрас нецэнзурную лаянку. У выніку ўдару супернік атрымаў траўму, якая ў далейшым прывяла да страты зроку на правым воку.

Цяпер яму пагражае да васьмі гадоў зняволення (наўмыснае прычыненне цяжкага цялеснага пашкоджання).

NN.by

2
фелікс / Адказаць
11.09.2019 / 13:35
Я думаю, там хутчэй страта сумлення, чым зроку.
3
Андрюха Горец (Беларусь Витебск ) / Адказаць
11.09.2019 / 14:55
 Тебя же обокрали и за это же - ТЫ ЖЕ и в тюрьме сиди !!!!    Даааа....  Не ту страну - назвали Гондурасом ! 
1
Мірон / Адказаць
11.09.2019 / 14:56
Адзін крадзе на нейкія 100 эўра, другі гатовы за такія грошы біцца. І аднаму/двум пагражае вязніца дзе іх/яго будуць 8/5/3 гады утрымоўваць менскія праграмісты са сваіх падаткаў. Во ж рацыяналізатары!
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру