У Роўне, абласным цэнтры Украіны, у пешаходнай зоне вуліцы Саборнай усталявалі дошку з нагоды 505-й гадавіны перамогі войска Вялікага Княства Літоўскага пад Оршай, піша Радыё Свабода.
Дошка ўмураваная ў дарогу проста на тым месцы, дзе, паводле гісторыкаў, некалі знаходзілася Астрожская брама, празь якую князь Канстанцін Астрожскі заяжджаў ў Роўна. Цяпер тут стаіць гандлёвы цэнтар.
На дошцы напісана: «08.09.1514. Перамога князя К. Астроскага ў бітве пад Оршай».
Ініцыятарам сьвяткавання ўгодкаў Аршанскай бітвы выступіла мясцовая грамадзкая арганізацыя «Слава князёў Астрожскіх», якую падтрымалі і гарадскія ўлады.
«Трэба, каб моладзь выхоўвалася на нечым пазытыўным, на тым, чым можна ганарыцца. Гэта такая дошка «спатыкнення», бо трэба, каб усе ведалі, што была такая бітва, у якой мы перамаглі, і, напэўна, не апошні раз», — сказаў мэр Роўна Уладзімір Хамко на адкрыцьці дошкі.
