Здарэнні1515

«Муж загубіў нашу сям’ю». Жанчына з Кобрына, якая атруцілася грыбамі, расказала сваю праўду

vk.com

У Кобрыне сям’я з трох чалавек моцна атруцілася грыбамі. Жонка вінаваціць у здарэнні памерлага мужа, які, паводле яе, хацеў такім чынам не дапусціць разводу. Сваякі ж мужчыны называюць яе заявы хлуснёй, піша belsat.eu

Больш за тыдзень таму ў прыёмны пакой Кобрынскай цэнтральнай раённай больніцы самастойна звярнуліся 24-гадовы Павел, ягоная 22-гадовая жонка Марыя з 1,5-гадавалым сынам Міраславам. Паводле пацыентаў, яны елі грыбы, ад чаго ім стала кепска, паведамляе БелТА.

Мясцовае выданне kobrincity.by піша, што сям’я атруцілася бледнымі паганкамі, пераблытаўшы іх з зелянушкамі.

Праз некалькі дзён пасля атручвання мужчына памёр у Берасцейскай больніцы. Ягоныя жонка і дзіця знаходзяцца ў Менску ў рэанімацыі РНПЦ транспланталогіі органаў і тканак. Ім перасадзілі печань, стан абодвух ацэньваецца як цяжкі, паведамляе «Комсомольская правда».

«Муж атруціў і загубіў нашу сям’ю»

Пара знаходзілася ў працэсе разводу. І прайшла ўжо палову тэрміну, адведзенага ім на прымірэнне. Тым не менш, той трагічны вечар муж з жонкай правялі разам. Жанчына ў здарэнні абвінаваціла свайго памерлага мужа.

«Нам ужо лепей, жывыя! Дзякуй маім родным людзям, за клопат, у веру ў нас. Я ледзь пішу, але заўтра ў майго мужа, які атруціў і загубіў нашу сям’ю «дзень памяці». Не верце сайтам ды лжывым звесткам», — напісала яна ў Instagram.

Як расказала маці жанчыны, менавіта муж збіраў і гатаваў грыбы, якія ён з’еў разам з жонкай. Дзіця ж пакармілі грудным малаком.

«Затым Маша з Пашам пайшлі ў клуб, а раніцай дачцэ стала так дрэнна, што яна не магла выклікаць «хуткую». Яе пастаянна ванітавала, яна нават не магла ўстаць з канапы. Паша ў гэты момант знаходзіўся побач, яму таксама было дрэнна, але лекараў ён выклікаў толькі пасля таго, як Маша сказала, што памірае», — распавяла жанчына.

Сама Марыя адзначыла ў каментары Onliner.by, што муж неаднойчы пагражаў скончыць жыццё самагубствам, калі яны расстануцца. Пагражаў забіць і сына.

Сваякі памерлага вінавацяць жонку ў хлусні

Разам з тым сястра памерлага Паўла Альбіна ў каментары belsat.eu назвала абвінавачванні ў адрас свайго брата глупствам.

«Марыя можа нагаварыць усё, што заўгодна. Такі яна чалавек, яе ведае ці не ўвесь Кобрын… Я не ведаю, якія яшчэ версіі яны прыдумае, каб сябе апраўдаць. Гэта поўная лухта», — расказала сястра.

Паводле яе, у памерлага ні ў якім разе не магло быць такіх думак, бо ён быў самы пазітыўны чалавек у сям’і.

Паводле Альбіны, Марыя ўвесь час даставала і абзывала Паўла ды ягоных сваякоў, лічыла, «што яна «каралева» і ёй роўні няма». Версію ж пра наўмыснае атручванне, лічыць яна, жонка высунула таму, што «ведае, што людзі яе загнабяць». На думку Альбіны, гэта не апошняя версія пацярпелай.

Не верыць у самагубства Паўла і ягоная былая аднакласніца Марыя. Паводле яе, памерлы быў вясёлым чалавекам і максімум, што мог зрабіць, — напужаць сваю жонку. Тая ж «заўсёды сябе выстаўляе шчырай». Разам з тым суразмоўца адзначыла, што, калі ў горадзе збіралі грошы на дапамогу сям’і, Маша ўсе грошы забрала сабе.

«Пашу ні капейкі не дала. Хай памірае, сказала», — адзначыла аднакласніца памерлага.

Паводле яе, жонка яшчэ да смерці мужа менавіта яго лічыла вінаватым.

Каментары15

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай12

Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай

Усе навіны →
Усе навіны

Дзяўчына з Брэста вырабляе какошнікі. І шчыра не разумее, чаму на іх зусім няма попыту20

Мінчука абвінавацілі ў жорсткім абыходжанні з сабакам. Ён расказаў сваю версію6

У Расіі забаранілі продаж кітайскіх канкурэнтаў МАЗа і КамАЗа6

Вырасце памер субсідыі на арганізацыю сваёй справы: хто, колькі і на якіх умовах можа атрымаць грошы на бізнэс1

«Упершыню давялося такое бачыць, а раніцай было страшна выходзіць на двор». Як ураган у Калодзішчах перамяшаў цяпліцы і дахі3

За прагляд кватэры ў гэтым доме ў Мінску бяруць 7000 рублёў6

Бацькі спрачаліся каму карміць дачку, што прывяло да яе гібелі1

Беспілотнік, які ўпаў у Мінску, прыляцеў з боку Барысава — шматлікія сведчанні23

Больш за 600 дамоў у Калодзішчах засталіся без святла

больш чытаных навін
больш лайканых навін

Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай12

Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай

Галоўнае
Усе навіны →

Заўвага:

 

 

 

 

Закрыць Паведаміць