11.09.2019 / 16:08

Падлетка, які забіў вучня і настаўніцу ў школе ў Стоўбцах, пасадзілі на максімальна магчымыя 13 гадоў 4

Фота Вадзіма Заміроўскага, TUT.BY

Былы вучань стаўбцоўскай школы прызнаны вінаватым у забойстве настаўніка і 11-класніка, а таксама ў замаху на забойства ў дачыненні да яшчэ двух школьнікаў. Прысуд — 13 гадоў пазбаўлення волі ў выхаваўчай калоніі. З-за ўзросту абвінавачанага справа слухалася ў закрытым рэжыме, публічна абвясцілі толькі прысуд, піша Tut.by.

Трагедыя адбылася 11 лютага. Вучань 10 класа Вадзім Мілашэўскі прыйшоў на заняткі загадзя, каля 7.40. Пакінуў партфель і выйшаў з кабінета. Затым вярнуўся і з нажом напаў на настаўніцу гісторыі Марыну Пархімовіч, якая павінна была весці першы ўрок. За педагога паспрабавалі заступіцца два аднакласнікі, у выніку яны атрымалі раненні. Пасля гэтага абвінавачаны выбег з класа, зайшоў у суседні кабінет, дайшоў да апошняй парты і напаў на вучня 11-га класа Аляксандра Раманава, хлопец памёр на месцы. Вадзім збег, але праз дзве гадзіны яго затрымалі. У заплечніку ў яго знайшлі малаток, а пры асабістым вобшуку — дымавыя шашкі і петарды. Так храналогію тых падзей апісваў Следчы камітэт.

Пра загінулую настаўніцу яе былыя вучні выказваліся самымі цёплымі словамі. Сашу Раманава апісвалі як мэтанакіраванага і прыязнага хлопца. Пра Вадзіма казалі, што ён быў спакойным і бесканфліктным, добра вучыўся і не меў праблем з паводзінамі. Ніхто не мог паверыць, што ён здольны на такое злачынства. Таму матыў — што рухала падлеткам — выклікаў заканамерныя пытанні ў многіх.

Вадзіма Мілашэўскага прызналі вінаватым у забойстве дзвюх асобаў з асаблівай жорсткасцю з хуліганскіх меркаванняў, замаху на забойства двюх асобаў з асаблівай жорсткасцю з хуліганскіх меркаванняў і асабліва злосным хуліганстве. Вядома, што пракурор прасіў для Вадзіма Мілашэўскага 13 гадоў пазбаўлення волі — гэта максімальна магчымы тэрмін з улікам таго, што на момант здзяйснення злачынства падлетку было менш за 16 гадоў.

Бацька загінулага Аляксандра Раманава ў судзе. Фота Вадзіма Заміроўскага, TUT.BY

Чытайце: Бацька забітага ў Стоўбцах школьніка пракаментаваў прысуд забойцу сына

Згодна з вынікамі медыцынскага агляду, падлетак не знаходзіўся ні ў стане алкагольнага ап'янення, ні пад уздзеяннем наркатычных і псіхатропных рэчываў. Псіхолага-псіхіятрычная экспертыза паказала, што Вадзім Мілашэўскі ў поўнай меры мог усведамляць значэнне сваіх дзеянняў і кіраваць імі. Сваю віну абвінавачаны прызнаў часткова.

Судовае пасяджэнне праходзіла ў закрытым рэжыме, паколькі на момант здзяйснення злачынства школьніку было менш за 16 гадоў. Акрамя таго, у матэрыялах справы ўтрымліваюцца звесткі аб стане яго здароўя — медыцынская таямніца.

Адзначым, што рашэнне суда пакуль не ўступіла ў законную сілу і можа быць абскарджана ў Вярхоўным судзе.

Чытайце таксама:

Чаму ён? Бацька хлопца, якога забілі ў Стоўбцах, падрабязна расказаў пра сына і дзень яго смерці

11-класнік, які загінуў у школе ў Стоўбцах, быў актывістам ТБМ, размаўляў па-беларуску і насіў майку з Пагоняй ФОТЫ

«Ну што яму нарабілася? Гэтыя бедныя дзеткі самі ўсё стараюцца». Родная нападніка са Стоўбцаў расказала пра ягоную сям'ю

Дзесяцікласнік у Стоўбцах напаў з нажом на настаўніцу і аднакласнікаў, двое загінулі

«Цэліў у горла»: сталі вядомыя падрабязнасці здарэння ў Стоўбцах, дзе школьнік зарэзаў настаўніцу і вучня

Што было на старонцы Укантакце ў хлопца, які забіў настаўніцу

Сваякі хлопца, якога парэзаў аднакласнік у Стоўбцах, распавялі пра яго стан

6
фелікс / Адказаць
11.09.2019 / 16:12
Дык што там у яго на кампутары было, і з кім ён перапісваўся ? Нешта не бачна па яго твары, што ён пакаяўся, такі від, быццам "правое дело" зрабіў.
12
Свободный / Адказаць
11.09.2019 / 17:38
Много... модет реально довели?
5
Ladzimir / Адказаць
11.09.2019 / 19:20
Гэта не пакаранне. Гэта здзек над забітымі.
Вы паглядзіце на яго, погляд дзебіла. 
 Пажыццевае лячэнне ў самых жорсткіх умовах- такое павінна было быць! На жаль у Беларусі няма дактароў. Як па-загаду вышэй кіруючых- адразу знаходзяць псіхічнае захворванне, без усялякіх даследванняў. А дзе на самой справе небяспечны для асяроддзя псіхічна хворы- не - здаровы! Цікавая краіна ў нас!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру