Нідэрланды перакваліфікавалі Уладзіміра Цэмаха, які раней лічыўся ключавым сведкам па справе аб знішчэнні малайзійскага самалёта MH17 над Данбасам, у падазраваныя. Пра гэта ў інтэрв'ю DW у сераду, 11 верасня, паведаміла дэпутат Еўрапарламента ад Нідэрландаў Каці Піры.
Паводле яе слоў, міжнародная следчая група (JIT) і нідэрландскі пракурор распаўсюдзілі ліст, у якім гаварылася аб тым, што ў адпаведнасці з нядаўняй інфармацыяй, якая з'явілася гэтым летам, цяпер Цэмаха разглядаюць у якасці аднаго з падазраваных.
Настойлівае патрабаванне Расіі аддаць ёй Цэмаха ў абмен на ўкраінскіх вязняў сведчыць пра тое, што Масква прызнае сваю віну за катастрофу «Боінга» рэйса MH17, мяркуе Каці Піры. Зараз няма практычна ніякіх шанцаў на тое, што міжнароднай следчай групе JIT удасца дапытаць Цемах, упэўненая яна.
