12.09.2019 / 09:41

Памёр выканаўца галоўнай ролі ў мюзікле «Ісус Хрыстос — суперзорка»

TMZ

Памёр акцёр Джэф Фенхольт. Пра гэта паведамляе амерыканскае выданне TMZ.

Акцёр, які выканаў галоўную ролю ў мюзікле «Ісус Хрыстос — суперзорка», памёр на 69-м годзе жыцця. Адзначаецца, што мужчына быў знойдзены мёртвым ва ўласным доме. Фенхольт раней скардзіўся на праблемы са здароўем.

«Ісус Хрыстос — суперзорка» — рок-опера Эндру Лойда Уэбера, якая ўпершыню была пастаўлена на Брадвеі ў кастрычніку 1971 года. Фенхольт сыграў галоўную ролю ў Тэатры Марка Хелінгера ў Нью-Ёрку больш за 700 разоў.

NN.by

Каб пакінуць каментар, калі ласка, актывуйце JavaScript у наладах свайго браўзеру