12.09.2019 / 19:06

ДТЗ у Слуцку: траўмы атрымалі чацвёра

Фота ДАІ і СК

У Слуцку на вуліцы Гагарына 12 верасня каля 15 гадзін на закругленні дарогі 32-гадовы кіроўца на Seat не даў рады кіраванню і выехаў на сустрэчную паласу. Там адбылося лабавое сутыкненне з Mazda пад кіраваннем 36-гадовага кіроўцы. У выніку ДТЗ 4 чалавекі атрымалі розныя траўмы, перадае абласная міліцыя.

Кіроўца Seat, які не меў правоў на кіраванне аўто, дастаўлены ў рэанімацыю. Яго 27-гадовы пасажыр, кіроўца і 30-гадовы пасажыр Mazda — траўматалогію. Усе чацвёра — жыхары Слуцка.

NN.by

Каб пакінуць каментар, калі ласка, актывуйце JavaScript у наладах свайго браўзеру