Сайт Мінаблвыканкама апублікаваў інфармацыю аб «Дажынках», якія пройдуць на хатнім стадыёне БАТЭ 12 кастрычніка, звяртае ўвагу Прэсбол.
«У рамках фестывалю запланаваны выставы імправізаваных «падворкаў», на якіх кожны раён вобласці і г. Жодзіна прадставіць тэматычную выставу-прэзентацыю асноўных брэндаў рэгіёну. Будзе арганізавана выстава караваяў і дажыначных снапоў ад кожнага раёна вобласці, а таксама будзе прадстаўлены «дажыначны сноп» -2019 і галоўны каравай Мінскай вобласці.
На працягу дня на тэрыторыі «Барысаў-Арэны» будзе працаваць некалькі сцэнічных пляцовак.
Традыцыйна адбудзецца святочнае шэсце, якое пройдзе па стадыёне «Барысаў-Арэны» і дасць старт святочнаму мерапрыемству на галоўнай пляцоўцы.
Кульмінацыяй свята стане ўзнагароджанне пераможцаў штогадовага абласнога спаборніцтва за дасягненне высокіх паказчыкаў на ўборцы ўраджаю збожжавых і зернебабовых.
