Улада7575

«У СССР было шмат чаго добрага». Фітнэс-трэнерка Наталля Наважылава ідзе ў дэпутаты па акрузе Марыі Васілевіч

Вядомая ў 1990-я фітнэс-трэнерка Наталля Наважылава будзе балатавацца ў дэпутаты. Ініцыятыўную групу яна зарэгістравала ў Кальварыйскай акрузе №104 — там жа, дзе і 22-гадовая «Міс Беларусь» Марыя Васілевіч.

Навошта трэнерцы дэпутацтва?

«Я неабыякавая да палітыкі, эканомікі, сацыяльнага ладу дзяржавы. Неабыякавая да таго, хто як зарабляе, вучыцца, у каго якія льготы.

Я за сацыяльную дзяржаву. Шмат чаго ў Савецкім Саюзе было добрага. Савецкі Саюз паказаў усяму свету, як для насельніцтва можна зрабіць бясплатную медыцыну і адукацыю.

Мне падабаюцца гэтыя сацыяльныя заваёвы нашай былой краіны, лічу, што іх аддаваць нельга. Наш прэзідэнт робіць усё правільна, бо ў нас дагэтуль трымаецца бясплатная адукацыя і медабслугоўванне».

Наталля Наважыла дадае, што будзе выступаць за аднаўленне дзіцячых спартовых школ, якія раней былі бясплатныя. «Іх мы крыху страцілі. Раней у нас у класе ну два-тры чалавекі — поўныя, з праблемамі з сэрцам — не займаліся. Усе астатнія хадзілі ў спартыўныя секцыі — хто на тэніс, хто на плаванне».

Яшчэ адна прычына, чаму трэнерка вырашыла балатавацца ў дэпутаты, — узрост. 

«Я калісьці вяла і па пяць, і па шэсць класаў на дзень. Але ўжо не тое здароўе — час перадаваць вопыт, папрацаваць на карысць дзяржавы. Я ўсё жыццё прысвяціла барацьбе за здаровы лад жыцця, таму ў прынцыпе маё рашэнне балатавацца лагічнае.

Я шмат з кім раілася. З 2000-х увесь час сумнявалася. І Таццяна Караткевіч, з якой мы сябруем, сказала: «Наташа, я думаю, табе трэба, чаму б і не».

А палітыкай можна займацца хоць да 100 гадоў. Я хачу быць найстарэйшым дэпутатам, хачу ў 100 гадоў увайсці ў Палату прадстаўнікоў сваімі нагамі, у цвярозым розуме».

Пра тое, што яе суперніцай будзе «Міс Беларусь», Наталля Наважылава ўжо ведае. Кажа, што не супраць, калі тая пераможа — маладым таксама трэба даваць дарогу.

За свой фітнэс-клуб Наталля не перажывае: вось ужо восем год яго дырэктарам з’яўляецца яе сын. Таму магчымае дэпутацтва справам клуба не нашкодзіць.

Легендарная фітнэс-трэнерка Наталля Наважылава: «У мяне займалася нават нявестка Лукашэнкі»

Каментары75

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Усе навіны →
Усе навіны

Трамп вымушана спыняе рэйды супраць імігрантаў у сельскай гаспадарцы і гатэльным бізнэсе3

Навукоўцы знайшлі просты спосаб паспрыяць росту раслін — музыка, але не кожная20

Ryanair будзе штрафаваць пасажыраў, якія парушаюць парадак1

У Гомелі 7 гадоў таму пабудавалі прыбіральню ледзь не за мільён даляраў. Як у ёй цяпер?4

У Дубаі загарэўся 67-павярховы хмарачос3

Што можа чакаць тых, каго будуць судзіць па справе «Беларускага Гаюна»?

Лукашэнка парэкамендаваў беларусам не налягаць на бульбу13

Ізраільцянам прыходзяць шпіёнскія паведамленні ад карэспандэнткі АНТ10

Усплёскі заказаў піцы каля Пентагона маглі сведчыць пра будучую атаку на Іран9

больш чытаных навін
больш лайканых навін

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная16

Тэгеран гарыць. Ізраільскія знішчальнікі працягваюць удары, пакуль СПА Ірана бяссільная

Галоўнае
Усе навіны →

Заўвага:

 

 

 

 

Закрыць Паведаміць