12.02.2009 / 16:31

І ўся каралеўская раць Дадаліся фотаздымкі Юліі Дарашкевіч 22

11 лютага ў выставачным павільёне «Белэкспа» ў Мінску адчынілася міжнародная выстава-кірмаш «Кнігі Беларусі-2009».

11 лютага ў выставачным павільёне «Белэкспа» ў Мінску адчынілася міжнародная выстава-кірмаш «Кнігі Беларусі-2009».

Краіны-ўдзельніцы (а заяўлена іх было 25) акрамя кніжак актыўна прэзентавалі сваю культуру. Ля стэнду Паўднёвай Карэі можна было на папірусным аркушы сваімі рукамі на адмысловым прыстасаванні адціснуць карэйскі алфавіт, які паводле словаў карэйскай прадстаўніцы «цалкам арыгінальны, зусім не падобны да кітайскага». З ізраільскай стойкі хутка разыходзілася брашура пра загадкавы «Новы год для дрэваў», які нядаўна святкавалі юдэі.

На стэндзе Славаччыны, краіны, якая ў апошнія часы актыўна занятая падвышэннем свайго турыстычнага іміджу, акрамя мастацкіх выданняў можна было атрымаць падрабязную інфармацыю пра славутыя курортныя мясціны. Як заўсёды прадстаўнічы нямецкі будан, акрамя кніг, прапанаваў інфармацыю, дзе і як у Беларусі можна вывучаць нямецкую мову.

Пад партрэтамі правадыра і ля залатых фаліянтаў народных эпасаў відавочна сумавалі прадстаўнікі Таджыкістану.

Да свайго гонару расейскія выдаўцы, якім на Беларусі, у прынцыпе, і рэкламавацца ня трэба, на «Мінскім кірмашы» усё ж вырашылі заняць актыўную прамоўтарскую пазіцыю. Як нідзе людна было на стэндзе маскоўскага выдавецтва «Время», друкароў Святланы Алексіевіч і Васіля Быкава. Каб атрымаць аўтограф у беларускай пісьменніцы, стаяла не раўнуючы гастраномная чарга. Дарэчы, хто ля тых, хто не паспеў на сустрэчу з аўтаркай «Чарнобыльскай малітвы»: з Алексіевіч будзе яшчэ адна сустрэча ў суботу а 14-й (ля стэнду «Расейскія выдавецтвы»).

Выстава, як тэатр з вешака, пачынаецца з праграмак. У першы дзень іх не было. Распарадчыцы адсылалі да вялізных стэндаў, дзе расклад мерапрыемстваў быў напісаны не раўнуючы наскальны надпіс. Здавалася, на кніжным кірмашы не чулі пра вынаходства кнігадруку, пра тое, што праграмкі можна рабіць таксама на папяровым аркушы.

А як там мелася на кірмашы беларуская кніга ў святле нядаўніх заяваў намесніка міністра інфармацыі Ігара Лапцёнка пра 7-адсоткавае змяншэнне яе друку?

Пісьменнік і выдавец Уладзімер Сіўчыкаў лічыць, што беларуская кніга на кірмашы была прадстаўленая не вельмі як: «Хацелася б больш. Прыкра бачыць, як Алексіевіч і Быкава, аўтараў, якія прэзентуюць нашу культуру, прадстаўляюць небеларускія выдаўцы».

Беларуская кніга на кірмашы абмяжоўвалася збольшага даведачнай літаратурай і фальклёрна-краязнаўчымі альбомамі: асноўныя выдаўцы айчыннай белетрыстыкі збольшага адсутнічалі.

Затое беларуская кніга прысутнічала на замежных стэндах. Ужо прыгаданы славацкі стэнд сустракаў наведнікаў фаліянтам «Краіна Беларусь» Уладзімера Арлова. Рэч у тым, што хіт апошніх трох год выдаваўся ў славацкім выдавецтва «Нэаграфія». А найлепшая (паводле апытання «НН») гістарычная кніга 2008 году «Магдэбурская Гародня» Юрыя Гардзеева красавалася на стэндзе польскага выдавецтва Kolegium’а Europy Wschodniej.

0
molatau / Адказаць
12.02.2009 / 19:13
Фотка №2 - гэта проста цуд! 5 балаў! Колькі інтылекта на гэтах тварах, колькі света і дабрыні ў вачах :) Глядзеў бы і глядзеў.
0
lupaty / Адказаць
12.02.2009 / 19:17
6-я фотка - "Вокладкі, як у збораў твораў Леніна." Я б сказаў, што вокладкі як у Карана. А знамя правільнага "саюзу пісьменьнікаў" на тым жа здымку як знамя Ісламу. А здымак "купляйце беларускае" - проста "песня" на вершы Севы Янчэўскага і пад акампанімэнт Наташы Пяткевіч. За твар Ярмошынай - зачот. Максімум інтэлектуальнай напружанасці пры мінімуме натуральных эмоцыяў.
0
molatau / Адказаць
12.02.2009 / 19:31
На здымку №2 усе твары выдатныя. Які не возьмеш. Эліта, аднака!
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру