16.09.2019 / 15:33

Беларусы змогуць адмовіцца ад дастаўкі рэкламы ў паштовыя скрыні 4

Адпаведныя папраўкі ўнесены ў законы па пытаннях рэкламы, паведамляе БЕЛТА са спасылкай на намесніка старшыні Пастаяннай камісіі па працы і сацыяльных пытаннях Палаты прадстаўнікоў Алега Леўшунова.

Згодна з новымі папраўкамі, рэкламадаўцы і распаўсюднікі абавязаны спыніць дастаўку рэкламы ў паштовую скрыню па першым патрабаванні яго ўласніка або іншага законнага ўладальніка. Спажыўцы могуць і самі адмовіцца ад дастаўкі любым зручным спосабам: шляхам адпраўкі афіцыйнага ліста, па тэлефоне

ці ж павесіць на паштовую скрыню налепку, на якой будзе напісана пра нежаданне атрымліваць улёткі. Пры гэтым гэта не распаўсюджваецца на рэкламу ў друкаваных СМІ або на адваротным баку жыроўкі.

Папраўкамі прадугледжана, што на распаўсюд рэкламы па тэлефоне, стацыянарным і мабільным, а таксама па электроннай пошце спатрэбіцца згода абанента або адрасата, якая павінна быць аформлена ў пісьмовай або электроннай форме. Такую норму ўвялі ў сувязі са скаргамі грамадзян на распаўсюд рэкламы па тэлефоне і электроннай пошце без іх згоды.

«Гэтая норма ўключана ў праект у сувязі з паступленнем у дзяржорганы значнай колькасці скаргаў грамадзян, звязаных з распаўсюджваннем рэкламы па тэлефоне і электроннай пошце без атрымання згоды абанентаў і адрасатаў», - растлумачыў парламентарый.

NN.by

0
хамса / Адказаць
16.09.2019 / 16:21
даўно пара - колькі марнуецца паперы (драўніны)..
ужо малюю налепку )
1
Скураныя крылы / Адказаць
16.09.2019 / 16:25
І яшчэ каб сметніцы былі каля кожнага пад'езда. Парламент.

0
Ulad / Адказаць
16.09.2019 / 17:36
Агрэсыўная рэкляма Залы Тэлекаму: мы Вам самахоць дадалі 10 каналаў; бясплатна; на месяц; калі не адмовіцеся, то будзеце плаціць. Тое самае з паслугамі МТС кшталту пераводу званка на галасавую скрыню. А вы пра гэта ведаеце? Не? Дык плацІце!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру