17.09.2019 / 22:09

У Докшыцкім раёне злодзеі кінулі аўтамабіль з 10-гадовым дзіцем у лесе

У Докшыцкім раёне двое злодзеяў, хаваючыся ад пераследу, кінулі ў лесе выкрадзеную машыну з 10-гадовым дзіцем у салоне, паведамляе віцебская міліцыя.

Двое вяскоўцаў (17 і 18 гадоў) папрасілі ў прыяцеля яго аўтамабіль, каб пакатацца па наваколлі. Атрымаўшы адмову, яны, пакуль уладальнік машыны спаў, забраліся ў яго дом, узялі ключы ад аўто і з'ехалі. З сабой маладыя людзі ўзялі 10-гадовую дачку сваёй знаёмай.

Праз некаторы час гаспадар машыны выявіў прапажу і паведаміў у міліцыю. Супрацоўнікі праваахоўных органаў знайшлі аўтамабіль і пачалі пераслед зламыснікаў. Тыя паспрабавалі схавацца ў лесе, аднак там машына заглухла. Злодзеі кінулі аўто разам з дзяўчынкай. Міліцыянеры высветлілі асобы падазраваных, а дзіця вярнулі маці.

NN.by

Каб пакінуць каментар, калі ласка, актывуйце JavaScript у наладах свайго браўзеру