Скрыншот з відэа Uefa.com
Футбаліст «Ювентуса» Крышціяну Раналду лічыць, што форвард «Барселоны» Ліянэль Мэсі — найлепшы праціўнік, супраць якога ён гуляў. Пра гэта Раналду заявіў у інтэрв'ю амерыканскаму акцёру, журналісту і сцэнарысту Крысу Моргану.
Раналду і Мэсі з'яўляюцца галоўнымі футбалістамі сучаснасці. У абодвух па пяць «Залатых мячоў». У канцы жніўня Раналду на цырымоніі ўручэння ўзнагарод УЕФА высока ацаніў гульнявыя якасці Мэсі.
У ходзе інтэрв'ю партугальца спыталі, ці з'яўляецца Мэсі найлепшым яго супернікам. «Так! Безумоўна! Ён фантастычны гулец, — адказаў Раналду. — Многія былі здзіўлены, калі я загаварыў з ім на цырымоніі УЕФА. Так, мы не сябры, але ў нас добрыя адносіны. Наша суперніцтва робіць адзін аднаго лепшым».
0
0
0
0
0
0
