19.09.2019 / 07:20

Пентагон: ЗША не гатовыя да гібрыднай вайны з Расіяй 1

ЗША не гатовыя да «апасродкаванай і гібрыднай» вайны з Расіяй і маюць намер у сувязі з гэтым скарэктаваць планы развіцця абароннага і іншых ведамстваў, заявіў кіраўнік Пентагона Марк Эспер, піша ria.ru.

«Апасродкавана вайна», або «вайна па прадстаўніцтве» - канфлікт, за непасрэднымі ўдзельнікамі якога стаяць буйнейшыя гульцы. Прыклады такой вайны — Карэйская і пачатковы этап В'етнамскай.

Выступаючы ў сераду на канферэнцыі ВПС ЗША, міністр выказаў меркаванне, што Расія ў апошнія гады эфектыўна прадэманстравала вядзенне «апасродкаваных, гібрыдных баявых дзеянняў і баявых дзеянняў у шэрай зоне». У якасці прыкладу ён прывёў падзеі ў Крыме і ва Украіне.

«Яны (Расія) ведаюць, што яны не хочуць і не могуць супрацьстаяць нам у звычайным вайне, таму яны шукаюць іншыя спосабы, каб кінуць нам выклік, весці стратэгічнае суперніцтва на ўзроўні ніжэй, чым прамы ўзброены канфлікт», - сказаў Эспер.

«Гэта новая форма баявых дзеянняў. Я маю на ўвазе, што шмат у чым гэта як мінімум тое, да чаго мы не гатовыя, і тое, да чаго мы павінны быць гатовыя. Таму мы зараз вывучаем, як рыхтуюцца нашы планы па вядзенні кампаній на розных тэатрах (баявых дзеянняў), мы спрабуем выйсці на ўзровень стратэгічнага суперніцтва ніжэй за гэты ўзровень», - заявіў міністр.

Ён падкрэсліў, што гэта тычыцца не толькі вайсковых, але і іншых ведамстваў ЗША, якія павінны «змяніць гэтую стратэгічную сітуацыю, праводзіць інфармацыйныя кампаніі і іншае».

«Мы добрыя ў ваенных аперацыях, але калі мы апынаемся ў гэтай шэрай зоне, калі сыходзім ад звычайнага канфлікту, гэта становіцца для нас выпрабаваннем», - рэзюмаваў Эспер.

NN.by

26
Брыдкая пачвара / Адказаць
19.09.2019 / 08:02
Ваены кіраўнік хітруе. Прыклады "арабскай вясны", майдана на Украіне сведчаць аб тым ,што амерыканцы добра налаўкаваліся зменяць рэжымы мясцовыя рэжымы без асродкаванага удзела сваіх ваеных. Мусіць, глава Пентагона меў на увазе ,што зараз Расея не галоўная мэта, ёсць больш важкія ,такія, як Іран, Кітай( хваляванні ў Гонконгу не проста так пачаліся)
Каб пакінуць каментар, калі ласка, актывуйце JavaScript у наладах свайго браўзеру