Якуб Колас, Быкаў, Шамякін — у інтэрнэце з'явіліся бясплатныя аўдыякнігі па школьнай праграме 4

Да Дня ведаў і Дня беларускага пісьменства Міністэрства інфармацыі размясціла на сваім сайце аўдыякнігі, выпушчаныя выдавецтвам «Вышэйшая школа».

У раздзеле «Беларуская класіка» вы знойдзеце творы Якуба Коласа, Кузьмы Чорнага, Івана Шамякіна і Івана Навуменкі.

Творы школьнай праграмы для вучняў з 5-га па 11-е класы знаходзяцца ў раздзеле «Бібліятэка школьніка».

«Сучасная беларуская проза» змяшчае аўдыязапісы твораў Алеся Жука, Віктара Праўдзіна, Алеся Разанава, Раісы Баравіковай, Васіля Быкава, Генадзя Пашкова, Янкі Сіпакова, Максіма Танка, Івана Пташнікава і іншых аўтараў.

Вы можаце бясплатна спампаваць аўдыякнігі па спасылцы.

Міністэрства інфармацыі Рэспублікі Беларусь

Даслаць навіну

Чытайце яшчэ

У Вільні пройдзе вечарына памяці Івана Луцкевіча

Гурт Volski едзе з турам па Беларусі

Брытанскія рокеры Uriah Heep сабраліся з канцэртамі ў «расійскія» Кіеў і Мінск ФОТАФАКТ 9

26 кастрычніка — падарожжа ў каралеўскую Горадню 5

Каментары

Храналагічна Спачатку новыя Спачатку папулярныя

30 0

Кажыма праўду / Адказаць

19.09.2019 / 12:45

Сумленныя беларусы, трэба актыўней ствараць фонд беларускамоўных тэкстаў (Бел. Палічка, Камунікат). Шмат выданняў як айчынных аўтараў так і перакладаў чакаюць алічбоўкі.

Таксама, на жаль, у нацыі паэтаў вобмаль энтузіястаў-стваральнікаў аўдыякніг. Дзіва, у інтэрнэтах безліч балаболак, а як хопісся шукаць якую аўдыякнігу – няма. Пара б плявузгалам пра «плошчы»/«байкоты»/«няправільную апазіцыю» узяцца за справу сваемі напрактыкаванымі языкамі. Будзе ад вас хоць які даробак.

16 0

Цетка Алена / Адказаць

19.09.2019 / 16:04

Хоць настаунiкi ня вельмi любяць аудыякнiгi , Але часам падумаеш , а дзе дзiценак ПАЧУЕ правiльную беларускую мову ?

17 0

ugo / Адказаць

19.09.2019 / 22:15

Вельмі добрая справа! Вельмі! У рускамоўным інтэрнэце выкладзеныя тысячы аўдыёкніг, а вось у беларускамоўным - ну вельмі мала, амаль нічога. Так што, дзякуй вам, добрую справу пачынаеце. Аднак, ёсць шэраг заўваг: 1. я запампаваў Шамякіна. Вельмі занудліва і вельмі, вельмі павольна ідзе чытанне. Твор чытаецца дзесьці гадзін 30. Вельмі павольна, артыст цягне, цягне, як ката за я.кi. Ну не той цяпер час, не той тэмп жыцця, каб 30 гадзін слухаць раман. Я, вядома, буду слухаць у дарозе (ужо запампаваў), а вось тое, што ў такім тэмпе чытання будуць слухаць вучні - вельмі сумняваюся. Чытаць трэба хутчэй! 2. трэба выкарыстоўваць іншы алгарытм сціску iнфармацыi, вельмі шмат месца займаюць вашыя файлы у тэлефоне. Для параўнання: Шамякін - 1340мб, а амерыканская школьная класіка, такога ж памеру, Стейнбек_Гроздья гневу - 470мб (запампоўваў з рускамоўнага сайта). 3. Усё спампоўваецца вельмі павольна, але тут, я думаю, не ваша віна, у вас вельмі слабыя сервера. ---- А ў цэлым вы робіце вельмі добрую справу. Дзякуй вам!