19.09.2019 / 20:14

Спіс чыноўнікаў, якіх Лукашэнка пакараў па выніках канфлікту ў гомельскай школе 19

Аляксандр Лукашэнка падпісаў распараджэнне, у адпаведнасці з якім за непрыняцце мер па навядзенні парадку ва ўстановах агульнай сярэдняй адукацыі і невыкананне даручэнняў Лукашэнкі прыцягнуты да адказнасці шэраг службовых асоб.

Строгае папярэджанне атрымалі прэм'ер-міністр Сяргей Румас, кіраўнік Адміністрацыі прэзідэнта Наталля Качанава, намеснік прэм'ер-міністра Ігар Петрышэнка.

Міністр адукацыі Беларусі Ігар Карпенка папярэджаны аб няпоўнай службовай адпаведнасці.

Старшыні Гомельскага абласнога выканаўчага камітэта даручана забяспечыць прыцягненне да дысцыплінарнай адказнасці ў выглядзе вымовы намесніка старшыні Гомельскага аблвыканкама У.Прывалава, кіраўніка адміністрацыі Навабеліцкага раёна Гомеля С.Казачка, намесніка старшыні Гомельскага гарвыканкама В.Атаманчука.

Губернатару таксама даручана забяспечыць вызваленне ад займаемых пасад у сувязі з пераводам на іншую работу начальніка галоўнага ўпраўлення адукацыі Гомельскага абласнога выканаўчага камітэта С.Парошына, начальніка ўпраўлення адукацыі Гомельскага гарадскога выканаўчага камітэта Л.Крылісценка, намесніка кіраўніка адміністрацыі Навабеліцкага раёна Гомеля Я.Копы, начальніка аддзела адукацыі, спорту і турызму адміністрацыі Навабеліцкага раёна Гомеля А.Дземенчука, галоўнага спецыяліста аддзела адукацыі, спорту і турызму адміністрацыі Навабеліцкага раёна Гомеля К.Шарамавай, дырэктара сярэдняй школы нумар 15 Гомеля М.Чарненка.

Прэм'ер-міністру, кіраўніку Адміністрацыі прэзідэнта, міністру адукацыі і старшыні Гомельскага абласнога выканаўчага камітэта даручана забяспечыць прыцягненне да дысцыплінарнай адказнасці іншых службовых асоб, вінаватых у неналежнай рабоце ўстаноў агульнай сярэдняй адукацыі; аднавіць на рабоце Л.Чацвярткову на пасадзе настаўніка пачатковых класаў сярэдняй школы нумар 15 Гомеля; прыняць вычарпальныя меры па выкананні даручэнняў Лукашэнкі ў сферы агульнай сярэдняй адукацыі.

Кантроль за выкананнем распараджэння ўскладзены на Адміністрацыю прэзідэнта.

1
Кажыма праўду / Адказаць
19.09.2019 / 20:40
Ператрахнуў перад выбарамі, каб былі належна паслухмянымі дзеля чарговых «элегантных перамог».

Якая ж маркота...
2
Чебаркуль / Адказаць
19.09.2019 / 21:17
Ого, как Остапа понесло... Как думаете, народ, он в своём уме?
1
Логистик / Адказаць
19.09.2019 / 21:31
Я думал школы будет строить, чтоб в классах по 30 детей не сидело, а тут просто показуха!!! Все уже видят его на сквозь-дешевый ход. Главное денег вбухать на новые резиденции...это он мастак.
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру