Супрацоўнікi ДАІ паўтары гадзiны гналiся за п’яным вадзiцелем па гродзенскай шашы.
Супрацоўнікi ДАІ паўтары гадзiны гналiся за п’яным вадзiцелем па гродзенскай.
Аб гэтым паведамiў БЕЛТА iнспектар аддзялення па агiтацыi i прапагандзе ДАI УУС Гродзенскага аблвыканкама капiтан мiлiцыi Валерый Юдзiн.
Паводле яго слоў, 29‑гадовага мiнчанiна, якi ў стане алкагольнага ап’янення кiраваў аўтамабiлем «Фольксваген‑Туран», спрабавалi спынiць яшчэ ў Мiнску на пр. Прытыцкага, але вадзiцель патрабаванням ДАI не падпарадкаваўся.
Ён выехаў на аўтадарогу М‑6 «Мiнск—Гродна» i паiмчаў па ёй з хуткасцю каля 200 км у гадзiну.
Нягледзячы на патрабаванне нарада спецпадраздзялення «Страла», якi ехаў за iм, спынiцца, вадзiцель працягваў рух. Каля паўночы ўжо на тэрыторыi Гродзенскай вобласцi гоншчыка ўдалося спынiць, праўда, для гэтага давялося задзейнiчаць яшчэ тры лiдскiя нарады ДПС i спецыяльны сродак «Вожык‑Дыяна» — палатно з металiчнымi шыпамi.
Мiнчанiна да гэтага ўжо двойчы пазбаўлялi права на кiраванне транспартным сродкам — у 2000 годзе за кiраванне аўтамабiлем у нецвярозым стане, у 2008‑м — за пакiданне месца ДТЗ.
Каментары